Jang 4:5 - Sơ̆p Hlabơar Nơ̆r 'Bok Kei-Dei

⁵ Truh pơgê dơning na lu 'bok pơgơ̆r đe Juđê, lu thây bơtho tơdrong juăt đe Juđê păng lu 'bok gơh sek tơlang, pêng khŭl lu 'bok âu akŭm tơ Pơlei Jêrusalem wă sek tơlang tơdrong bre Pêtrôs păng Yôhan.

Jang 4:5 Iomraidhean Croise

Êsai 1:10

Ơ lu kră wei-lăng plei Sôđôm, mơ̆ng bĕ nơ̆r Kră Yang khan. Ơ kon pơlei Gômôrơ, pơgling đon iĕm mơ̆ng bĕ khôi juăt Kră Yang 'Bok Kei-Dei lu bơ̆n.

Mi 2:1

Răm-'băm tơpă kơ bơngai bu chă đon kơnê̆ 'maih pơm tơdrong yoch tơ kơpal giơng sư kơdih, truh pơgê hrôih lu sư pơm tơdrong lu sư tơchĕng lê̆ boih. Yua kơ lu sư gơh pơm tơdrong thoi noh!

Markôs 15:1

Lăp 'brưch hơdah til pơgê na lu 'bok soi tih, lu đe kră, lu đe 'bok thây bơtho tơdrong juăt đe Juđê păng dôm lu 'bok sek tơlang, lu sư pơđâu dih băl. Đơ̆ng noh lu sư chô̆ Yêsu năm jao ăn kơ Pilat bơngai Rôm mă pơgơ̆r dêh Juđê.

Luka 20:1

Minh năr ei kơplah Yêsu oei bơtho đe tơdrong 'nao 'lơ̆ng tơ lăm hnam akŭm 'Bok Kei-Dei tơm, na lu 'bok soi tih, lu thây bơtho tơdrong juăt, hăm lu đe kră sek tơlang năm jet Yêsu khan: “Apinh Ih roi kơ nhôn bu ăn kơ Ih pơpuh đe mơdro đơ̆ng hnam akŭm âu păng chă bơtho đe lăm hnam akŭm âu mơ̆n?”

Luka 22:66

Lăp 'brưch hơdah til pơgê 'nei, lu 'bok soi tih păng lu 'bok thây bơtho tơdrong juăt đe Juđê, hăm đĭ-đăng lu kră nai mă pơgơ̆r bơngai Juđê akŭm dih băl. Na đe anhăk ba Yêsu tơ anăp lu sư. Na lu sư khan kơ Yêsu thoi âu:

Luka 23:13

Na Pilat krao akŭm lu 'bok soi tih, lu đe kră tơring păng lu kon pơlei pơla.

Luka 24:20

Na lu 'bok soi tih bơ̆n păng lu đe kră pơgơ̆r lu bơ̆n jao Sư kơ 'bok tih Pilat athei pơlôch Sư. Na đơ̆ng noh lu sư pơ̆ng pơlôch lê̆ Sư tơ 'long pơglang.

Jang 4:8

Na Pêtrôs 'bĕnh kơ Yang Bơhngol 'Lơ̆ng khan kơ lu sư thoi âu: “Ơ đe kră sek tơlang păng kră pơgơ̆r lu bơngai Juđê,

Jang 5:34

Mă-lei đei minh 'nu bơngai kơdră sek tơlang iung pơma. Sư bơngai khŭl đe Pharisi, anăn sư Gemel. Sư bơngai bơtho tơdrong juăt Juđê păng đĭ-đăng bơngai ư-ang kơ sư. Sư athei bơngai gak tơlĕch lu jơ̆ng 'bang Yêsu tơ 'ngoaih tŏ sĕt.

Jang 6:12

Thoi noh lu sư pơchŭt lu kon pơlei pơla, đe kră sek tơlang păng lu kră bơtho tơdrong juăt Juđê. Đơ̆ng noh na đe năm rôp Êtien anhăk ba sư tơ anăp đe kră sek tơlang.