Jang 4:34 - Sơ̆p Hlabơar Nơ̆r 'Bok Kei-Dei

³⁴ Lu bơngai lui kơ Yêsu ưh kơ đei bu jơ̆l kơ tơmam ưh kơ mah ôh yua kơ dôm lu bơngai đei hnam, mir 'ba, sư blơ̆ mơdro đei bơ̆n kon jên.

Jang 4:34 Iomraidhean Croise

Mathiơ 19:21

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Markôs 10:21

Yêsu lăng 'bok mơdrŏng noh, Sư 'mêm tơpă na Sư khan thoi âu: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:9

“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.

Luka 22:35

Na Yêsu khan kơ lu sư dơ̆ng: “Sơ̆ Inh wơh iĕm năm chă bơtho đe, na Inh khan kơ iĕm 'nĕ kơ chĕp ba jên, mă kơdŭng tah tơmam, dah chơkhŏ, na iĕm hăm kơ'bah kơ tơdrong kiơ ưh sơ̆?” Lu sư tơl: “Nhôn ưh kơ đei kơ'bah tơdrong kiơ ôh sơ̆.”

Jang 2:45

Lu sư tĕch mŭk tơmam, chŭn mir sư, asong băl jên kơ rim 'nu lu sư kiơ̆ kơ kăl yua.

Jang 4:37

Sư đei minh hlak mir na blơ̆ mơdro đei jên. Sư pơyơ̆r kơ 'Bok Kei-Dei tơpă, sư ăn kơ lu bơngai jơ̆ng 'bang Yêsu.

II Kor 8:14

Dang ei iĕm oei đei lơ tơmam rơkah rơkai, na apinh iĕm wang tơgŭm lu sư bơngai oei jơ̆l; layơ iĕm jơ̆l, lu sư đei, lu sư tơgŭm iĕm dơ̆ng. Thoi noh na iĕm hăm lu sư jing atŏ atŏ dih băl.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

I Tes 4:12

Dah iĕm jang tơnăp tơpă, iĕm huay kơ kăl đe jang tơdŏng iĕm ôh. Thoi noh na lu bơngai ưh tam mă lui lăng iĕm jang hơiă tơpă.

I Tim 6:19

Dah sư hơlăng kơ đe thoi noh, mŭk măk sư huach 'biơ̆ mơ̆n, mă-lei sư mơdrŏng tôm tơdrong nơ̆r pơma đơ̆ng 'Bok Kei-Dei tơgŭm sư ling-lang păng sư gô iŏk tơdrong arih ning-mônh.

Ya 1:27

Bơngai lui bu băt kơ năm ngôi tơ lu kon mơti, lu bơngai adro apo pơmat-tat kơ'bah kơ'bôch păng sư ưh kơ kiơ̆ thoi lu bơngai tơ ala teh ưh kơ lui, bơngai noh boih 'Bă tơm bơ̆n 'Bok Kei-Dei jô̆ sư lui kơjăp hăm pơm tơpăt.