Jang 4:31 - Sơ̆p Hlabơar Nơ̆r 'Bok Kei-Dei

³¹ Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 4:31 Iomraidhean Croise

Êsai 65:24

Adrol kơ lu sư krao apinh; Inh gô tơl tơwih nơ̆r lu sư To lu sư oei pơma, Inh kơtơ̆ng bơih.

Mathiơ 21:22

Mă tơdrong kiơ kiơ iĕm krao khan apinh 'Bok Kei-Dei, dah iĕm lui kơ Sư gô ăn tơdrong iĕm apinh noh, lei iĕm gô đei tơpă.”

Yo 14:12

Inh khan kơ iĕm tơpă, bơngai bu lui kơ Inh, bơngai 'noh gô pơm dôm tơdrong Inh pơm mơ̆n. Păng sư gô pơm tơdrong tih hloh kơ Inh dơ̆ng mơ̆n, kơlih kơ Inh wă wih tơ 'Bă Inh boih.

Yo 15:16

Ưh kơ sĭ iĕm krao Inh tơbôl păng iĕm ôh sơ̆, Inh krao iĕm wă kơ iĕm bôl păng Inh păng Inh wơh iĕm, wă kơ iĕm năm chă bơtho đe wă kơ đei plei păng wă kơ plei noh huay kơ ôm. Dah iĕm apinh 'Bă Inh tơdrong kiơ yua kơ iĕm tơbôl păng Inh, tơdrong noh Sư gô ăn kơ iĕm tơpă.

Yo 15:7

“Dah iĕm oei lăm Inh, lei dôm nơ̆r Inh bơtho oei lăm iĕm păng dah iĕm apinh Inh tơdrong kiơ Inh gô ăn kơ iĕm tơdrong 'noh mơ̆n păng sĭt gô đei tơpă.

Jang 14:3

Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 2:2

Lu sư kơtơ̆ng grơu đei re jơwa đơ̆ng plĕnh thoi lĕ kial hơbŭt tih 'bĕnh kơ hnam hloi.

Jang 2:4

Yang Bơhngol 'Lơ̆ng mơ̆t 'bĕnh kơ rim 'nu lu sư. Na lu sư pơtơm pơma phara hloi nơ̆r kiơ̆ thoi Yang Bơhngol 'Lơ̆ng ăn kơ lu sư pơma.

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Jang 4:29

Dang ei ơ Kră Yang 'Bok Kei-Dei, lu sư oei hil kơ nhôn khă nhôn bơtho tơdrong Yêsu; na dang ei nhôn apinh Ih tơgŭm lu nhôn đĭch đam Ih, wă kơ nhôn nuih chă bơtho nơ̆r Ih kơ kon bơngai.

Philip 1:14

Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.