Jang 4:30 - Sơ̆p Hlabơar Nơ̆r 'Bok Kei-Dei

³⁰ Apinh Ih yua mơsêh mơyang Ih wă pơklaih đe jĭ jăn. Păng apinh Kon Ih Yêsu mă 'lơ̆ng tơpăt ăn kơ nhôn pơm lơ tơdrong mơsêh mơyang.”

Jang 4:30 Iomraidhean Croise

Le 6:6

Na ih khan bĕ hăm kon pơlei Isơrael: Inh boih Kră Yang, Inh gô ăn kơ lu iĕm rơngei đơ̆ng tơdrong jang gleh pơmat Inh gô dŏng pơklaih iĕm đơ̆ng pơm đĭch đam Inh gô chro tơpang ti mơsêh mơyang Inh, wă phak bơngai Êyiptơ mă trăp.

Je 15:15

Ơ Kră Yang, Ih băt đĭ boih, apinh Ih 'blŏk kơ inh păng wei-lăng inh, apinh iung kơting bĕ kơ lu bơngai mă pơm kơnê̆ kơ inh. Hăm tơdrong Ih mơnat, 'nĕ kơ hŭt lê̆ inh. Ih kư̆m 'blŏk, yua kơ Ih na inh pŭ iŏk tơdrong đe pơjăm.

Yo 4:48

Yêsu khan kơ sư: “Dah Inh ưh kơ pơm tơdrong mơsêh mơyang lei iĕm ưh kơ wă lui kơ Inh ôh.”

Jang 2:22

Pêtrôs oei pơma: “Ơ lu đe Isơrael, mơ̆ng inh bĕ. Yêsu Pơlei Nasaret, bơngai mă 'Bok Kei-Dei wơh Sư pơm tơdrong mơsêh mơyang, pơm tơdrong hlĭch hlăch, tơ'bôh kơ iĕm tơdrong chrơp, 'Bok Kei-Dei yua Sư pơm lu tơdrong 'noh tơ lăm lu iĕm, thoi lu iĕm đei băt boih.

Jang 2:43

Đĭ-đăng bơngai tơring ei hli, yua kơ lu jơ̆ng 'bang pơm lơ tơdrong mơsêh chrơp.

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Jang 3:6

Mă-lei Pêtrôs khan kơ sư: “Inh ưh kơ đei jên ôh, mă-lei inh tơgŭm ih. Yua anăn Yêsu Krist Pơlei Nasaret, yak bĕ.”

Jang 4:27

Lăm Pơlei Jêrusalem âu lu kră pơgơ̆r hlôi ayăt kơ Kon Ih Yêsu mă 'lơ̆ng tơpăt, Sư boih 'Bok Krist mă Ih ăn pơgơ̆r nhôn. 'Bok pơtao Hêrôt păng 'bok pơgơ̆r Pilat, bre sư pơm minh đon păng lu bơngai dêh đe tơmoi păng lu bơngai Isơrael wă ayăt kơ Yêsu; trŏ tơpă yua kơ đơ̆ng nơ̆r Ih khan lê̆ hơdrol sơ̆, truh dang ei 'blep tơpă boih.

Jang 5:12

Lu bơngai jơ̆ng 'bang Yêsu pơm lơ tơdrong mơsêh mơyang đơ̆ng Kră Yang ăn. Lu bơngai lui pôm jơhngơ̆m akŭm tơ pra hnam 'Bok Kei-Dei tơm mă đe anăn Pra Sôlômôn.

Jang 6:8

'Bok Kei-Dei kư̆m tơgŭm 'bok Êtien jing pran pơm lơ tơdrong mơsêh mơyang 'bơ̆t anăp đe kon pơlei pơla.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?