Jang 4:29 - Sơ̆p Hlabơar Nơ̆r 'Bok Kei-Dei

²⁹ Dang ei ơ Kră Yang 'Bok Kei-Dei, lu sư oei hil kơ nhôn khă nhôn bơtho tơdrong Yêsu; na dang ei nhôn apinh Ih tơgŭm lu nhôn đĭch đam Ih, wă kơ nhôn nuih chă bơtho nơ̆r Ih kơ kon bơngai.

Jang 4:29 Iomraidhean Croise

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Êsai 63:15

Apinh Kră Yang đơ̆ng kơpal plĕnh ti nger tơ ala. Lăng bĕ đơ̆ng anih 'lơ̆ng rơgoh păng ư-ang Ih oei! Jơhngơ̆m hưch hanh pran kơtang Ih tơ yơ? Jơhngơ̆m 'maih wă păng tơdrong 'mêm mơnat Kră Yang ưh pă đei dơ̆ng bơih hăm lu nhôn.

Nhom 3:50

Dĭng truh dang yơ Kră Yang đơ̆ng plĕnh ti nger lăng?

Nhom 5:1

Ơ Kră Yang, apinh Ih 'blŏk tơdrong truh kơ lu nhôn. Lăng bĕ tơdrong đe pơmat lu nhôn!

Êsêkiên 2:6

Gah ih, ơ kon bơngai, 'nĕ kơ hli kơ lu sư păng kư̆m 'nĕ kơ hli nơ̆r lu sư pơma; 'nĕ kơ hli mă khan lu sư thoi jơla suĕng tăp dăr kơ ih păng mă ih oei tŏk-bŏk lu sư thoi hơguăt. 'Nĕ hli kơ nơ̆r lu sư pơma, kư̆m 'nĕ kơ hli tơrơ kơ muh măt krưp lu sư yua kơ lu sư adrĕch adrung ayăt.

Da 9:18

Ơ Kră Yang 'Bok Kei-Dei inh, apinh Ih pơgling đon păng mơ̆ng. Apinh Ih lar măt lăng bĕ dôm anih juơ juŏ lu nhôn păng pơlei mă krao anăn Ih! Ưh kơ sĭ gơnang kơ tơdrong tơpăt nhôn kơdih na krao apinh Ih, mă-lei gơnang kơ đơ̆ng tơdrong Ih 'mêm mơnat kơ đĭ-đăng.

Mi 3:8

Mă-lei gah inh, inh 'bĕnh kơ tơdrong pran kơtang, tơdrong sek tơlang păng đei jơhngơ̆m nuih yua kơ đơ̆ng Yang Bơhngol 'Lơ̆ng Kră Yang, wă roi ăn kơ Jakôp gah tơdrong sư pơm yoch, roi ăn kơ Isơrael gah tơdrong yoch lu sư.

Jang 13:46

Mă-lei bre Pôl păng 'Barna'ba pơma tơwih kơ lu sư kư̆m nuih tơpă mơ̆n. Bre sư khan thoi âu: “Nhi bơtho tơdrong 'Bok Kei-Dei kơ lu iĕm bơngai Juđê hơdrol 'mơ̆i ră mă trŏ. Mă-lei iĕm ưh kơ wă mơ̆ng tơdrong 'Bok Kei-Dei. Iĕm ưh kơ chu thoi noh iĕm ưh kơ đei arih păng Sư ling-lang ôh ning-mônh, lei nhi lê̆ kơ bơtho iĕm đĕch. Nhi bơtho pôm lu bơngai nai.

Jang 14:3

Bre Pôl păng 'Barna'ba oei tơ pơlei ei kư̆m đunh 'biơ̆ mơ̆n. Kră Yang tơgŭm bre sư bơtho kư̆m nuih tơpă. Kră Yang ăn kơ bre sư pơm tơdrong mơsêh mơyang wă kơ đe băt kơ bre sư bơtho tơdrong 'Bok Kei-Dei tơpă, wă pơklaih kon bơngai đơ̆ng tơdrong yoch.

Jang 19:8

Kơplah pêng khei Pôl bơtho tơ hnam akŭm bơngai Juđê tơ Pơlei Êphêsô. Sư bơtho đe nuih tơpă. Sư pơjah păng lu đe ei, sư bơtho tơdrong 'Bok Kei-Dei wă pơgơ̆r bơ̆n thoi yơ.

Jang 26:26

Inh pơma kơ pơtao Agripa ưh kơ đei anat ôh yua kơ sư băt gah tơdrong inh pơma hei. Sư 'bôh păng kơtơ̆ng lu tơdrong noh tơpă yua kơ đe kơtơ̆ng ang lu tơdrong 'noh jơ̆p-jang boih.

Jang 28:31

Pôl bơtho lu sư gah tơdrong 'Bok Kei-Dei wă pơgơ̆r bơ̆n păng tơdrong Kră Yang Yêsu Krist. Sư bơtho đe kư̆m nuih tơpă păng ưh kơ đei bu khă sư.

Jang 4:13

Na lu sư sơleng kơ đon 'bôh bre Pêtrôs păng Yôhan pơma nuih tơpă. Lu sư kơnăl kơ bre sư bơngai ưh kơ đei hŏk, bơngai kuli đĕch, na lu sư kơnăl kơ bre sư oei hơdai păng Yêsu sơ̆.

Jang 4:21

Lu bơngai sek tơlang khă sư pă minh 'măng dơ̆ng na tơlĕch bre sư. Lu đe 'bok sek tơlang, sư tơchĕng tơduă sư khan: “Ưh pă gơh phak bre sư thoi yơ boih. Bơ̆n athei tơlĕch bre sư đĕch, yua kơ kon pơlei pơla đĭ ư-ang kơ 'Bok Kei-Dei pơklaih bơngai hơwen hơwo noh boih.”

Jang 4:31

Lăp lu sư krao khan đang boih, hnam mă sư akŭm ei adrŏ kyĭng kiơ̆ng. Đĭ-đăng lu sư 'bĕnh kơ Yang Bơhngol 'Lơ̆ng na jing nuih tơpă bơtho nơ̆r 'Bok Kei-Dei.

Jang 9:27

Mă-lei 'Barna'ba năm ba Sôl tơ lu jơ̆ng 'bang Yêsu. 'Barna'ba roi kơ lu sư tơdrong Sôl tơ'bơ̆p Kră Yang Yêsu păng kơtơ̆ng 'bơ̆r Yêsu pơma kơplah Sôl oei yak rok trong. Sư kư̆m roi kơ lu sư tơdrong Sôl bơtho đe kư̆m nuih 'biơ̆ tơpă mơ̆n kơplah sư oei bơtho tơdrong Yêsu kơ khŭl bơngai Juđê tơ Pơlei Đamas.

Jang 9:28

Klaih kơ noh na Sôl oei hơdai păng lu jơ̆ng 'bang Yêsu. Păng sư kư̆m nuih 'biơ̆ mơ̆n bơtho tơdrong Kră Yang Yêsu jơ̆p kơ Pơlei Jêrusalem. Sư pơjah pơjăng păng lu đe Juđê mă pơma nơ̆r Grĕk. Mă-lei lu bơngai 'noh wă pơlôch sư.

I Kor 14:13

Thoi noh na bơngai mă Yang Bơhngol 'Lơ̆ng tơgŭm sư gơh pơma nơ̆r hlĭch ư-ang kơ 'Bok Kei-Dei 'noh, sư athei krao khan apinh 'Bok Kei-Dei tơgŭm sư hơgei hlôh tôm tơdrong sư pơma nơ̆r hlĭch 'noh 'mơ̆i, na sư gơh tơblang ăn kơ lu bơngai lui.

II Kor 3:12

Yua kơ nhôn băt kơ thoi noh, na jơhngơ̆m nhôn sơĭng bơtho nuih tơpă.

Philip 1:14

Lu 'nhŏng oh bơ̆n mă oei tơ pơlei nhôn tơ âu, lu sư 'bôh inh bơtho đe nuih tơpă mă khan inh bơngai đe phak, mă lu sư rai đunh kư̆m rai băt gơnang kơ Kră Yang Yêsu, kư̆m rai nuih kơ bơtho đe tơdrong 'Bok Kei-Dei huay pă hli boih.

I Tes 2:2

Âu dơ̆ng, iĕm kư̆m băt hơdrol kơ nhôn truh tơ iĕm, đei bơngai tơ Pơlei Philip hil areh kơ nhôn, teh hloi nhôn, tah hloi nhôn tơ hnam phak. Lăp nhôn truh tơ Pơlei Têsalônik iĕm boih đe kư̆m wă hil areh kơ nhôn tơpă mơ̆n, mă-lei 'Bă tơm bơ̆n 'Bok Kei-Dei ăn kơ nhôn jơhngơ̆m nuih kơtang pran bơtho ăn kơ iĕm tơdrong 'nao 'lơ̆ng Sư.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.