Jang 4:25 - Sơ̆p Hlabơar Nơ̆r 'Bok Kei-Dei

^25-26 Yang Bơhngol 'Lơ̆ng Ih yua 'bơ̆r đĭch đam Ih 'bok nhôn Đawit sơ̆, khan thoi âu: ‘Ơ Kră Yang, kơlih tơdrong kiơ dêh char đe tơmoi hil kơ Ih păng Kon Ih 'Bok Krist? Yua kơ kiơ bơngai Isơrael wă pơm kơnê̆ ră kơ Ih, mă-lei sư ưh kơ kĕ? Păng lu 'bok pơtao, lu kră pơgơ̆r hơdai wă ayăt kơ Ih mơ̆n.’

Jang 4:25 Iomraidhean Croise

Êsai 7:7

Kră Yang khan thoi âu: “Tơdrong noh ưh kơ jing, ưh kơ đei truh ôh!”

Mathiơ 3:9

Iĕm 'nĕ kơ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham 'bok bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei gơh pơm kơ tơmo âu jing kon sâu Abraham lei-lăi thoi iĕm mơ̆n. 'Bok Kei-Dei sek tơlang kon bơngai, Sư pơlong lăng thoi âu:

Jang 1:16

“Ơ lu 'nhŏng oh, Yang Bơhngol 'Lơ̆ng ăn kơ Đawit chih pơkă lê̆ hơdrol roi gah Juđa sơ̆ lăm sơ̆p hla bơar 'Bok Kei-Dei. Yua kơ thoi noh na trŏ dang ei tơpă. Juđa tơ'bôh trong kơ đe năm rôp Yêsu.

Jang 2:30

'Bok pơtao Đawit bơngai khan lê̆ hơdrol. 'Bok Kei-Dei pơkă kơ sư khan, kon sâu sư ning-mônh gô pơm Pơtao kư̆m lei-lăi thoi sư sơ̆ mơ̆n.