Jang 4:23 - Sơ̆p Hlabơar Nơ̆r 'Bok Kei-Dei

²³ Bre Pêtrôs păng Yôhan lĕch đơ̆ng ei năm tơ lu bôl sư păng roi đĭ tơdrong lu 'bok soi tơm păng lu kră sek tơlang khă bre sư.

Jang 4:23 Iomraidhean Croise

Horiso 119:63

Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Horiso 42:4

Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Tơdrông Pơđơk 13:20

Bơngai bu pơm buăl juăt hăm bơngai hơgei gô gơh hơgei. Mă-lei bơngai bu pơm buăl juăt hăm bơngai kơtul kơwao gô răm.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Jang 16:40

Na bre Pôl păng Silas đơ̆ng hnam phak ei năm tơ hnam yă Liđa hơpong kơ lu bơngai lui. Bre sư bơtho khan kơ lu sư wă kơ sư lui mă kơjăp đei jơhngơ̆m chơt hiôk. Đơ̆ng rŏng kơ 'noh bre sư jăk đơ̆ng pơlei ei.

Jang 4:22

Bơngai đêl hơwen hơwo ei sư hloh puăn-jĭt sơnăm boih.

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.