Jang 4:21 - Sơ̆p Hlabơar Nơ̆r 'Bok Kei-Dei

²¹ Lu bơngai sek tơlang khă sư pă minh 'măng dơ̆ng na tơlĕch bre sư. Lu đe 'bok sek tơlang, sư tơchĕng tơduă sư khan: “Ưh pă gơh phak bre sư thoi yơ boih. Bơ̆n athei tơlĕch bre sư đĕch, yua kơ kon pơlei pơla đĭ ư-ang kơ 'Bok Kei-Dei pơklaih bơngai hơwen hơwo noh boih.”

Jang 4:21 Iomraidhean Croise

Mathiơ 15:31

Lu bơngai tơpôl ei 'bôh tơdrong noh hlĭch tơpă: Bơngai kơmlo mah gơh pơma, bơngai kue jo kư̆m klaih 'lơ̆ng, bơngai măt tol gơh 'bôh hơdah, na lu sư ư-ang kơ Kră Yang 'Bok Kei-Dei bơngai Isơrael juăt kơkuh đơ̆ng sơ̆.

Mathiơ 26:5

Lu sư khan: “Kơplah năr giĕng âu bơ̆n 'nĕ kơ pơm tơdrong noh, yua kơ năr giĕng âu kon tơring tơrang truh lơ, hli kơ lu sư blah bơ̆n.”

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Mathiơ 9:8

Lu đe oei kiơ̆ ei 'bôh tơdrong noh, lu sư hli na ư-ang kơ 'Bok Kei-Dei khan: “Bơngai âu 'Bok Kei-Dei ăn wă pơklaih yoch păng jĭ jăn kon bơngai tơpă.”

Luka 13:17

Yêsu tơl thoi noh na lu bơngai mă areh kơ Yêsu mơlâu, mă-lei lu kon pơlei pơla chơt hiôk yua kơ 'bôh Sư pơm lơ tơdrong mơsêh mơyang mơnat kơ lu sư.

Luka 20:19

Lu thây bơtho tơdrong juăt đe Juđê păng lu 'bok soi tih wă rôp hloi Yêsu kơplah noh ră yua kơ lu sư băt dôm tơdrong Yêsu pơma pơjuang noh hei trŏ hloi kơ lu sư tơpă. Mă-lei lu sư hli kơ lu kon pơlei pơla mă oei mơ̆ng bơtho 'bơ̆t ei, na lu sư jing ưh kơ yĕng kơ rôp Yêsu ôh.

Luka 20:6

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ lu sư lui kơ Yôhan bơngai pơtruh nơ̆r 'Bok Kei-Dei tơpă.”

Luka 22:2

Na lu 'bok soi tih hăm lu thây bơtho tơdrong juăt đe Juđê, lu sư chă đon wă kơ gơh tơtông rôp pơlôch Yêsu, yua kơ lu sư hli kơ rôp Yêsu 'bơ̆t anăp đe kon pơlei pơla.

Luka 5:26

Đĭ-đăng lu bơngai oei kiơ̆ ei sơleng kơ đon tơpă na pơma ư-ang kơ 'Bok Kei-Dei. Lu sư kư̆m hli dêh na khan: “Bơ̆n 'bôh tơdrong hlĭch tơpă năr âu iih?”

Jang 4:17

Mă-lei bơ̆n athei khă bre sư bơtho tơdrong Yêsu wă kơ tơdrong noh jah tôch.”

Jang 4:22

Bơngai đêl hơwen hơwo ei sư hloh puăn-jĭt sơnăm boih.

Jang 5:13

Đe nai ưh kơ pơ̆n akŭm păng sư, mă-lei đe khan kơ sư bơngai 'lơ̆ng tơpă.

Jang 5:26

Na 'bok yŏng linh păng lu linh sư năm rôp dơ̆ng jơ̆ng 'bang Yêsu. Mă-lei lu linh ưh kơ đei pơm kơnê̆ ôh yua kơ lu sư hli kơ kon pơlei klơ̆m lu sư păng tơmo.

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.