Jang 4:18 - Sơ̆p Hlabơar Nơ̆r 'Bok Kei-Dei

¹⁸ Na lu sư krao tơmơ̆t bre Pêtrôs păng Yôhan tơ lăm dơ̆ng khan hloi: “Biĕm 'nĕ pă bơtho tơdrong Yêsu dơ̆ng hŏ.”

Jang 4:18 Iomraidhean Croise

Le 1:17

Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Am 7:13

Mă-lei 'nĕ pă khan lê̆ adrol tơ pơlei Bethel âu, yua kơ noh anih rơgoh pơtao păng noh anih hnam pơtao akŭm kơkuh kơ Kră Yang.

Jang 1:8

Mă-lei lăp Yang Bơhngol 'Lơ̆ng jur oei păng iĕm, iĕm gô đei jơhngơ̆m pran năm bơtho tơdrong Inh tơ Pơlei Jêrusalem, jơ̆p kơ dêh char Juđê păng dêh Samari, đơ̆ng noh jơ̆p kơ teh đak.”

Jang 5:20

“Năm tơ hnam akŭm 'Bok Kei-Dei tơm bĕ, bơtho kơ kon pơlei pơla gah tơdrong iĕm arih 'nao.”

Jang 5:28

“Nhôn khă iĕm bơtho tơdrong Yêsu boih, mă-lei iĕm oei bơtho tơdrong Sư jơ̆p kơ Pơlei Jêrusalem păng iĕm bơtho jâu nhôn pơlôch Yêsu mơ̆n.”

Jang 5:40

Kơtơ̆ng thoi noh lu bôl kră sek tơlang chu sư. Lu sư krao jơ̆ng 'bang Yêsu mơ̆t hloi athei lu linh teh lu sư. Klaih kơ noh đe khă lu sư bơtho tơdrong Yêsu dơ̆ng, tơlĕch hloi lu sư.