Jang 3:25 - Sơ̆p Hlabơar Nơ̆r 'Bok Kei-Dei

²⁵ “Bơ̆n boih kon sâu lu bơngai khan lê̆ hơdrol noh. 'Bok Kei-Dei pơkă ăn kơ lu 'bok kơdră bơ̆n sơ̆, Sư kư̆m pơkă ăn kơ bơ̆n lei-lăi mơ̆n. Sư khan kơ Abraham: ‘Yua kơ đei minh 'nu Kon Sâu ih na đĭ-đăng khŭl bơngai ala teh gô hiôk.’

Jang 3:25 Iomraidhean Croise

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 17:19

Kră Yang 'Bok Kei-Dei khan dơ̆ng thoi âu: “Sĭt tơpă, Sara, akăn ih, gô pơjing kơ minh 'nu hơ'lơ̆p drŏ-nglo, na ih gô krao anăn sư Isăkc Inh gô pơgơ̆p pơkă hăm sư, wă pơgơ̆p pơkă ling-lang hăm adrĕch adrung sư.

Bl 18:18

Yua kơ Abraham gô jing minh adrĕch adrung tih păng pran; rim adrĕch kon bơngai kơpal teh gô đei pŭn hiôk yua kơ đơ̆ng sư.

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

Bl 22:18

Yua kơ ih chu yom kơ nơ̆r Inh athei, na kon pơlei pơla lăm teh âu yua kơ đơ̆ng ih gô đei pŭn hiôk.”

Bl 26:4

Inh gô ăn thim kơ adrĕch adrung ih lơ thoi sơnglŏng tơ plĕnh ti: Gô ăn kơ lu sư dêh char âu đĭ-đăng kon bơngai jơ̆p pơlei pơla lăm teh đak gô đei tơdrong pŭn hiôk đơ̆ng lu sư,

Bl 28:14

Adrĕch adrung ih gô lơ kơdrâ̆m thoi chuơh tơ lăm teh âu, lanh truh tơ bơmơ̆t hơlĕch, gơal yă-nơ̆m păng lu khŭl kon bơngai a gô đei pŭn hiôk đơ̆ng ih păng đơ̆ng lu adrĕch adrung ih.

I Ho 16:16

Tơdrong Sư pơgơ̆p hăm Abraham, tơdrong sư pơkăm bơih hăm Isăk.

I Ho 16:17

Tơdrong juăt Sư pơkăm pơkă bơih hăm Jakôp, tơdrong pơgơ̆p Sư ling-lang hăm Isơrael.

Ne 9:8

Kră Yang 'bôh boih jơhngơ̆m sư tơpăt tơnăp 'bơ̆t anăp Ih păng Ih pơgơ̆p hăm sư, ăn kơ adrĕch adrung sư char đe Kanaan, kon pơlei Hêtit, kon pơlei Amôrit, kon pơlei Phêrêsit, kon pơlei Jêbus păng kon pơlei Girgasit păng pơsĭt 'blep trŏ boih thoi nơ̆r Ih pơkă, yua kơ Ih tơpăt hơnơ̆ng.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Horiso 96:7

Ơ lu adrĕch adrung kon pơlei pơla. Pơyơ̆r ăn bĕ kơ Kră Yang; pơyơ̆r ăn bĕ kơ Kră Yang tơdrong ư-ang pran kơtang,

Luka 1:72

Sư pơm tơdrong noh wă kiơ̆ kơ tơdrong Sư pơkă kơ 'bok kơdră bơ̆n sơ̆, khan gô wă tơgŭm bơ̆n tơpă.

Jang 13:26

“Ơ lu 'nhŏng oh adrĕch adrung kon sâu Abraham păng lu bơngai tơmoi năm kơkuh kơ 'Bok Kei-Dei, Kră Yang 'Bok Kei-Dei ăn kơ bơ̆n dang ei tơdrong dŏng pơklaih.

Jang 2:39

'Nâu nơ̆r 'Bok Kei-Dei Sư pơkă ăn kơ iĕm, kơ lu kon sâu iĕm păng lu bơngai mă oei tơ ataih đơ̆ng bơ̆n, dôm lu bơngai 'Bok Kei-Dei Kră Yang bơ̆n krao iŏk wă lui kơ Sư.”

Rom 15:8

Yêsu Krist iŏk tơdrong pơmat-tat wă tơgŭm lu bơngai Juđê, wă kơ lu bơngai Juđê băt tơdrong 'Bok Kei-Dei pơma tơpăt pơkă kơ lu yă 'bok sư sơ̆ khan wă tơgŭm lu bơngai Juđê.

Rom 4:13

Sơ̆ 'Bok Kei-Dei pơkă khan wă ăn kơ Abraham păng lu kon sâu sư pơgơ̆r jơ̆p kơ teh đak. 'Bok Kei-Dei pơkă kơ Abraham thoi noh sơ̆ yua kơ Abraham lui păng gơnang kơ 'Bok Kei-Dei tơpă, na 'Bok Kei-Dei jô̆ sư bơngai 'lơ̆ng tơpăt; ưh kơ sĭ yua kơ Abraham kĕ kiơ̆ tôm tơdrong juăt Sư pơkă ôh.

Galati 3:16

Tơdrong 'Bok Kei-Dei pơkă kơ Abraham noh kư̆m thoi tơdrong pơgơ̆p noh hei mơ̆n, tơdrong noh 'Bok Kei-Dei khan wă ăn kơ Abraham păng kon sâu sư tơpă. Lăm sơ̆p hla bơar 'Bok Kei-Dei khan boih thoi âu: “Tơdrong pơkă noh inh wă ăn kơ kon sâu ih tơpă.” Mă-lei ưh kơ đei khan wă ăn đĭ-đăng kơ lu kon sâu sư hloi ôh. Sư wă ăn kơ minh 'nu bơngai đĕch, bơngai noh wă khan Yêsu Krist.

Galati 3:29

Dah bơ̆n pôm đon hăm Yêsu Krist, lei lu bơ̆n dang kon sâu Abraham tơpă, na 'Bok Kei-Dei gô tơgŭm bơ̆n dôm tơdrong 'lơ̆ng thoi Sư pơkă kơ Abraham sơ̆.

Galati 3:8

'Bok Kei-Dei băt hơdrol đơ̆ng sơ̆ boih gah tơdrong lu bơngai mă lui kơ Sư, mă bơngai Juđê, mă bơngai khŭl nai, Sư jô̆ 'lơ̆ng tơpăt ngăl. Kơlih kơ thoi noh na Sư roi tơdrong 'nao 'lơ̆ng noh hơdrol kơ Abraham sơ̆ thoi âu: “Ơ Abraham, yua kơ ih, na Inh wă tơgŭm tôm kơ khŭl bơngai oei tơ ala teh.”

Tơdrông Tơ'bôh 14:6

Klaih kơ noh inh 'bôh linh jang 'lơ̆ng nai dơ̆ng, sư păr asơ̆ng tŏk-bŏk rơwơ̆ng, ră roi kơ đe tơdrong 'nao 'lơ̆ng wă kơ đe gơh arih ling-lang. Sư ră roi tơdrong noh kơ đĭ-đăng bơngai rim kơ dêh char, rim kơ teh đak, rim kơ adrĕch adrung, rim kơ nơ̆r pơma kon bơngai.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

Tơdrông Tơ'bôh 7:9

Klaih kơ noh inh 'bôh lơlap lơlang ưh kơ kĕ jô̆ ôh, yua kơ đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma, lu sư dơ̆ng 'bơ̆t anăp tang-dŏ 'Bok Kei-Dei păng Kon Triu. Lu sư tă ling hrŭk ao tai kok păng chĕp sơdrai hla.