Jang 3:24 - Sơ̆p Hlabơar Nơ̆r 'Bok Kei-Dei

²⁴ Đĭ-đăng bơngai pơtruh nơ̆r 'Bok Kei-Dei sơ̆ jô̆ đơ̆ng 'bok Samuel kư̆m khan lê̆ hơdrol gah tơdrong Yêsu mă bơ̆n 'bôh dang ei.

Jang 3:24 Iomraidhean Croise

Horiso 99:6

Lăm lu 'bok soi Sư, đei Môis păng Arôn; Lăm lu bơngai krao apinh hăm anăn Sư đei Samuel; Lu sư krao apinh Kră Yang păng Sư đei tơl tơwih.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Jang 17:3

Sư tơblang tơdrong lu bơngai khan lê̆ hơdrol gah 'Bok Krist khan 'Bok Krist kơplah Sư oei ala teh Sư wă lôch iung arih dơ̆ng. Sư khan: “Inh bơtho ăn kơ iĕm tơdrong Yêsu. Yêsu boih 'Bok Krist mă 'Bok Kei-Dei ăn wă pơgơ̆r bơ̆n.”

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Jang 3:21

Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

Rom 3:21

Na dang ei 'Bok Kei-Dei wă tơ'bôh kơ bơ̆n tơdrong Sư wă ăn kơ kon bơngai jing 'lơ̆ng tơpăt. Sư jô̆ kon bơngai bơ̆n 'lơ̆ng tơpăt yua kơ bơ̆n lui kơ Yêsu, ưh kơ sĭ yua kơ bơ̆n gơnang kơ akâu kơdih wă kiơ̆ tơdrong juăt 'Bok Kei-Dei pơkă sơ̆ ôh. Tơdrong juăt Sư pơkă noh hăm lu bơngai pơtruh nơ̆r Sư sơ̆ tơbăt ăn kơ bơ̆n

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 3:1

Samuel oei 'lơ̆p sư bơ̆jang kơ Kră Yang 'bơ̆t anăp Hêli. Kơplah noh nơ̆r, Kră Yang mă pơma dơnuh anăp mă hui kơđei, kư̆m hui kơ đei ăn kơ kon bơngai 'bôh tơdrong kiơ.

I Sam 3:20

Đơ̆ng Đan truh tơ Bêrsêba, đĭ-đăng bơngai Isơrael băt ngăl kơ Samuel jing 'bok khan lê̆ adrol tơpăt đơ̆ng Kră Yang ăn.