Jang 3:21 - Sơ̆p Hlabơar Nơ̆r 'Bok Kei-Dei

²¹ Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

Jang 3:21 Iomraidhean Croise

Êsai 1:26

Inh gô tơiung ming lu 'bok sek tơlang noh thoi sơ̆ dơ̆ng, hăm lu bơngai pơđâu ih thoi blŭng-a na đe gô ang khan. Pơlei 'Lơ̆ng Tơpăt, Pơlei tơnăp 'lơ̆ng.

Luka 1:70

'Bok Kei-Dei ăn kơ lu bơngai pơtruh nơ̆r Sư sơ̆ kư̆m khan thoi noh mơ̆n.

Jang 1:11

“Ơ bơngai Galilê, iĕm lăng 'bloh chă kiơ tơ plĕnh? Ning-mônh Sư gô jur dơ̆ng kư̆m thoi Sư tŏk mơ̆n.”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Jang 3:20

Sư gô wơh Yêsu Krist 'Bok Dŏng Pơklaih mă Sư rơih boih jur wă pơgơ̆r bơ̆n.

Rom 8:21

Tơpă ning-mônh Sư ăn kơ lu tơmam Sư pơjing noh, ưh pă pơmat lôch răm thoi dang ei dơ̆ng ôh, lu sư jing rơngei hiôk tơpă, kư̆m thoi lu bơ̆n kon 'Bok Kei-Dei mơ̆n.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

II Pet 3:2

Inh wă kơ iĕm 'blŏk hơdơ̆r kơ dôm tơdrong lu bơngai pơtruh nơ̆r 'Bok Kei-Dei lu sư khan lê̆ hơdrol sơ̆. Păng inh wă kơ iĕm 'blŏk hơdơ̆r kơ tơdrong Yêsu Krist pơkă kơ lu jơ̆ng 'bang Sư na lu sư bơtho tơbăt kơ iĕm dơ̆ng, yua kơ Yêsu Krist boih Kră Yang bơ̆n kư̆m 'Bok Dŏng Pơklaih bơ̆n mơ̆n.

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 22:6

Linh jang ei khan dơ̆ng kơ inh: “Tôm tơdrong âu gô đei tơpă bơ̆n gơh lui. Sơ̆ 'Bok Kei-Dei wơh lu bơngai pơtruh nơ̆r Sư, mă dang ei kư̆m thoi noh Sư kư̆m wơh inh mă linh jang 'lơ̆ng Sư hai, năm chă pơtruh kơ lu đĭch đam Sư tơdrong wă jê̆ truh noh.”