Jang 28:8 - Sơ̆p Hlabơar Nơ̆r 'Bok Kei-Dei

⁸ 'Bă Publiu ei oei păn kơ bơlŏ păng chroh hăk. Pôl mơ̆t tơ lăm anih sư păng krao khan kơ Kră Yang 'Bok Kei-Dei, na pel akâu sư păng pơklaih jĭ sư ei.

Jang 28:8 Iomraidhean Croise

Mathiơ 10:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih rim tơdrong jĭ jăn kon bơngai.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Mathiơ 12:13

Đơ̆ng noh na Yêsu khan kơ bơngai ti kue: “Chro ti ih bĕ.” Na bơngai ti kue ei chro ti sư klaih hloi thoi ti 'lơ̆ng.

Mathiơ 9:18

Kơplah Yêsu oei pơma tơdrong 'noh, na blư 'bôh minh 'nu kră wei-lăng hnam akŭm đe Juđê sơtơ̆p kŭl-tăng kơkuh păng khan: “Kon adruh inh 'nao lôch, inh apinh Ih năm chro ti pel akâu sư wă kơ sư iung arih dơ̆ng.”

Markôs 16:18

dah sư rôp 'bơm 'bih mă 'bih choh sư păng dah sư sa et 'bơm tơmam bơnhŭl, lu sư ưh kơ đei jĭ ôh; păng sư gô pel akâu đe jĭ jăn, na akâu đe gô klaih.”

Markôs 5:23

Sư apinh lung Yêsu khan: “Kon adruh inh wă jê̆ lôch. Apinh Ih năm chro ti pel akâu sư wă kơ sư klaih, huay kơ lôch.”

Markôs 6:5

Kơlih kơ thoi noh na Yêsu ưh kơ wă pơm tơdrong mơsêh tơ pơlei Sư. Sư pôm chro ti chă pơklaih 'bar pêng 'nu bơngai jĭ đĕch.

Markôs 7:32

Tơ ei đe năm ba minh 'nu bơngai klĭk păng pơma arăk. Đe apinh Yêsu chro ti pel sư wă kơ sư klaih.

Luka 13:13

Đơ̆ng noh Yêsu pel hloi akâu sư na kơtă ei 'mrah jing gơh dơ̆ng tơpăt hloi. Na sư hloi pơma pơư pơang 'Bok Kei-Dei.

Luka 4:40

Lăp 'năr mơ̆t adrơ̆m kơsơ̆ ei, dôm lu bơngai jĭ jăn, bôl buăl sư anhăk ba tơ Yêsu. Na Sư pel hloi kơ̆l lu đe ei păng đĭ kơ lu sư klaih hloi kơtă ei.

Jang 28:7

Jê̆ 'bơ̆t ei đei mir Publiu, bơngai pơgơ̆r bŏl đak ei. Sư pơtơm nhôn mơ̆t tơ hnam sư, na nhôn oei păng sư pêng năr.

Jang 28:9

Lu bơngai nai oei tơ bŏl đak ei kơtơ̆ng thoi noh, đĭ-đăng lu bơngai jĭ jăn năm tơ Pôl na Pôl kư̆m pơklaih lu sư mơ̆n.

Jang 9:40

Pêtrôs athei lu sư lĕch đĭ-đăng đơ̆ng lăm hnam ei. Pêtrôs sư sơtơ̆p kŭl-tăng krao khan kơ Kră Yang. Đơ̆ng noh sư iung glĕch akâu sư kơdih, hue lăng atâu ei. Sư khan: “Ơ Đêka, iung bĕ.” Đơ̆ng noh yă Đêka lar măt păng 'bôh hloi Pêtrôs. Yă Đêka iung đơ̆ng 'bĭch tơoei 'bơ̆t anih sư.

I Kor 12:28

'Bok Kei-Dei asong kơ lu bơngai lui tôm kơ bơngai jang kiơ̆ thoi âu: Mă mônh 'Bok Kei-Dei ăn bơngai pơm jơ̆ng 'bang Yêsu; mă 'bar Sư ăn bơngai pơtruh nơ̆r Sư; mă pêng Sư ăn bơngai bơtho tơdrong Sư; klaih kơ noh Sư ăn bơngai gơh pơm tơdrong mơsêh, bơngai gơh pơklaih đe jĭ jăn, đei bơngai gơh tơgŭm đe, đei bơngai gơh wei-lăng đe; Sư ăn kơ bơngai mơ'nah gơh pơma nơ̆r hlĭch wă ư-ang kơ 'Bok Kei-Dei.

I Kor 12:9

Sư ăn kơ bơngai 'nâu đei đon lui kơjăp păng Sư kư̆m ăn kơ bơngai to gơh pơklaih bơngai jĭ jăn.