Jang 28:27 - Sơ̆p Hlabơar Nơ̆r 'Bok Kei-Dei

²⁷ Ih năm bơtho lu sư thoi noh yua kơ đon lu sư jing kơtul dêh; mă-lei lu sư oei wă pơchĭt đon sư kơdih khŏm khŏm 'mơ̆i, păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, đon lu sư kơtơ̆ng nhên, lu sư gơh tơchĕng kơdih băt wih tơ Inh 'Bok Kei-Dei, na Inh gô pơklaih đĭ dôm tơdrong yoch sư.’ ”

Jang 28:27 Iomraidhean Croise

Horiso 119:70

Jơhngơ̆m lu sư hơ'bơ̆l thoi rơmă đĭ pă mơn. Mă-lei inh hiôk lăm khôi juăt Ih.

Êsai 6:10

Pơm bĕ kơ kon pơlei 'nâu jơhngơ̆m lu sư arăng, đon tơngơl, măt lu sư bơbôl, Hli kơ măt lu sư gơh 'bôh đon lu sư kơtơ̆ng jơhngơ̆m lu sư hlôh kơnh lu sư wơ̆t brŏk păng gơh klaih.”

Mathiơ 13:14

Thoi noh na 'blep trŏ thoi Êsai chih khan lê̆ hơdrol sơ̆ thoi âu: ‘Lu sư mơ̆ng Inh bơtho khŏm khŏm ră mă-lei lu sư ưh kơ hlôh, Măt lu sư lăng khŏm khŏm ră mă ưh kơ 'bôh tơdrong kiơ.

Mathiơ 13:15

Yua kơ đon lu sư kơtul dêh, Mă-lei lu sư oei wă pơchĭt đon sư kơdih khŏm khŏm 'mơ̆i, Păng măt lu sư wă kơ tep ling-lang. Dah lu sư 'nĕ kơ pơm đon thoi noh, lei măt lu sư gơh 'bôh, Đon lu sư gơh kơtơ̆ng nhên, lu sư gơh tơchĕng kơdih băt wih tơ 'Bok Kei-Dei, Na Sư gô pơklaih đĭ dôm tơdrong yoch lu sư.’

Both 29:4

Mă-lei truh tơ dang ei Kră Yang ưh tam ăn kơ lăm jơhngơ̆m lu iĕm hlôh băt, măt iĕm 'bôh păng đon iĕm kơtơ̆ng.