Jang 28:23 - Sơ̆p Hlabơar Nơ̆r 'Bok Kei-Dei

²³ Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Jang 28:23 Iomraidhean Croise

Markôs 4:34

Sư bơtho đe, Sư bơtho pơtih gia ngăl, mă-lei dah Sư oei păng lu bơngai pơhrăm păng Sư, Sư bơtho tơblang tôm tơdrong.

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 4:34

Yêsu khan kơ lu sư: “Tơmam sa Inh jơ̆ Inh athei pơm kiơ̆ kơ 'Bok Kei-Dei wơh Inh jang mă keh tơdrong Sư. 'Noh boih tơmam sa Inh.

Jang 1:3

Đơ̆ng rŏng kơ Yêsu lôch tam mă tŏk tơ plĕnh noh Sư năm tơ'bôh akâu Sư tơ jơ̆ng 'bang Sư ei. Yêsu tơbăt kơ lu sư akâu Sư kơdih oei arih. Kơplah puăn-jĭt năr noh Sư tơ'bôh akâu păng bơtho lu sư gah tơdrong 'Bok Kei-Dei wă pơgơ̆r.

Jang 18:28

Sư pơjah hơgei tơpă păng lu bơngai Juđê, jei sư ngăl. Sư yua sơ̆p hla bơar 'Bok Kei-Dei tơbăt ăn kơ lu bơngai Juđê Yêsu boih 'Bok Krist mă 'Bok Kei-Dei ăn wă kơ pơgơ̆r bơ̆n.

Jang 18:4

Rim năr pơdơh Pôl năm akŭm tơ hnam akŭm bơngai Juđê bơtho lu bơngai Juđê păng lu bơngai Grĕk wă kơ đĭ-đăng lu sư păng Juđê lui kơ Kră Yang Yêsu.

Jang 19:8

Kơplah pêng khei Pôl bơtho tơ hnam akŭm bơngai Juđê tơ Pơlei Êphêsô. Sư bơtho đe nuih tơpă. Sư pơjah păng lu đe ei, sư bơtho tơdrong 'Bok Kei-Dei wă pơgơ̆r bơ̆n thoi yơ.

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 26:6

Iĕm sek tơlang tơdrong inh âu dang ei yua kơ inh lui kơ 'Bok Kei-Dei gô tơiung arih lu bơngai lôch kiơ̆ kơ Sư pơkă hăm lu kơdră bơ̆n sơ̆.

Jang 28:31

Pôl bơtho lu sư gah tơdrong 'Bok Kei-Dei wă pơgơ̆r bơ̆n păng tơdrong Kră Yang Yêsu Krist. Sư bơtho đe kư̆m nuih tơpă păng ưh kơ đei bu khă sư.

Jang 8:35

Na Philip khan kơ sư: “Tơdrong ba đŏk 'noh hei, Êsai khan lê̆ hơdrol gah tơdrong Yêsu.” Na đơ̆ng noh Philip bơtho sư tôm tơdrong Yêsu.

Phil 1:2

Păng nhi kư̆m đei nơ̆r jet gia bre Abia hăm Achĭp. Bre sư oh nhôn yua kơ sư lui. Achĭp sư kư̆m jang tơdrong 'Bok Kei-Dei thoi bơ̆n mơ̆n. Păng nhi kư̆m jet gia đĭ-đăng 'nhŏng oh bơngai lui mă juăt năm akŭm tơ hnam iĕm.

Phil 1:22

Ih hơmet lê̆ kơ inh anih tep hŏ. Rŏ lăng 'Bok Kei-Dei ăn kơ inh lĕch đơ̆ng hnam phak âu thâu kơlih kơ iĕm krao khan kơ Sư ling-lang. Dah inh lĕch inh năm tơ iĕm.