Jang 28:18 - Sơ̆p Hlabơar Nơ̆r 'Bok Kei-Dei

¹⁸ Lu bơngai Rôm sek tơlang tơdrong inh khan ưh kơ đei tơdrong kiơ ôh. Na lu sư ưh kơ gơh pơlôch inh. Na lu sư wă tơlĕch inh đĕch.

Jang 28:18 Iomraidhean Croise

Jang 22:30

'Bok tih linh wă kơ băt kơnăl tơpă tơdrong kiơ lu bơngai Juđê jâu areh kơ Pôl, na năr dơning dơ̆ng sư krao akŭm lu 'bok soi tih păng đĭ-đăng lu kră sek tơlang. Sư athei lu linh yaih tơlei glang mam đêl chô̆ sư na anhăk sư dơ̆ng 'bơ̆t anăp lu kră sek tơlang.

Jang 23:29

Mă-lei inh 'bôh sư ưh kơ đei tơdrong wă pơlôch dah tah sư lăm hnam phak ôh. Lu bơngai Juđê jâu sư gah tơdrong juăt lu sư đĕch.

Jang 24:10

Đơ̆ng noh Phêlik athei Pôl pơma. Pôl khan thoi âu: “Inh băt kơ ih sek tơlang lăm dêh char âu đunh sơnăm boih, na inh ưh kơ hli pơma dŏng akâu kơdih.

Jang 24:22

'Bok kuan tih Phêlik kư̆m băt lơ tơpă gah tơdrong lui kiơ̆ kơ Yêsu. Na năr ei sư kuă kơ sek tơlang dơ̆ng. Sư khan: “'Bok tih linh Lisia truh tơ âu, inh gô sek tơlang mă tôch 'mơ̆i tơdrong lu iĕm âu.”

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.