Jang 28:14 - Sơ̆p Hlabơar Nơ̆r 'Bok Kei-Dei

¹⁴ Na nhôn tơ'bơ̆p bơngai lui kơ Yêsu tơ ei păng lu sư pơtơm nhôn oei păng lu sư minh 'măng giĕng. Đơ̆ng noh nhôn năm jơ̆ng hoh wă năm tơ Pơlei Rôm.

Jang 28:14 Iomraidhean Croise

Bl 7:4

Yua kơ pă tơpơh năr dơ̆ng, inh gô ăn 'mi jruh tơ teh, lăm puăn-jĭt năr puăn-jĭt măng; Inh gô pơrăm lê̆ đĭ kơpal teh mă dôm kon sem brem mă đĭ adrĕch đơ̆ng inh đei pơjing.”

Horiso 119:63

Inh jing buăl kơ lu bơngai băt hli yom kơ Ih, Păng lu bơngai mă bơwei dôm tơdrong Ih đei bơtho pơkă.

Mathiơ 10:11

“Iĕm truh tơ pơlei ayơ, mă pơlei tih iĕ, iĕm jet lăng tơ ei bơngai bu 'lơ̆ng na iĕm oei hloi tơ hnam bơngai noh truh tơ năr iĕm wă năm tơ pơlei nai.

Yo 21:23

Yêsu pơma thoi noh ră, na lu 'nhŏng oh bơngai lui đei nơ̆r kơtơ̆ng ang khan: Minh 'nu bơngai pơhrăm păng Yêsu ei ưh kơ layơ lôch. Mă-lei Yêsu ưh kơ đei pơma khan sư ưh kơ đei lôch ôh. Sư khan: “Dah Inh wă kơ sư arih sot truh Inh jur dơ̆ng ning-mônh ngê̆ kiơ kơ ih jet?” Sư pơma thoi noh đĕch.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Jang 20:6

Hơtai ei đe pơm giĕng bơnê kơ 'Bok Kei-Dei đe sa 'Bĕng Mi Ưh Kơ Đei 'Buih Pông. Hlôi đe sa giĕng ei đang boih, nhi năm đơ̆ng Pơlei đe Philip tŏk thŏng-nan năm tơ Pơlei Trôs. Pơđăm năr đơ̆ng rŏng kơ 'noh na nhi truh tơ Pơlei Trôs păng tơ'bơ̆p hloi lu bôl nhi năm năr hơdrol ki. Nhôn oei tơ Pơlei Trôs ei minh 'măng giĕng hloi.

Jang 21:4

Tơ ei nhôn chă lu bơngai lui na nhôn oei păng lu sư minh 'măng giĕng. Yang Bơhngol 'Lơ̆ng tơbăt ăn kơ lu sư Pôl gô đei tơdrong pơmat na lu sư pơma khă Pôl athei lê̆ kơ năm tơ Pơlei Jêrusalem.

Jang 28:13

Đơ̆ng noh nhôn tŏk thŏng-nan năm truh tơ Pơlei Rêgiơ. Năr dơning dơ̆ng đei kial thu đơ̆ng gơal na nhôn yak truh tơ Pơlei Pusôl lăp 'bar năr đĕch.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Jang 28:21

Lu bơngai Juđê khan kơ Pôl: “Nhôn ưh kơ đei 'bôh hla kơthơ đơ̆ng dêh char Juđê roi gah tơdrong ih ôh. Lăm lu 'nhŏng oh nhôn đơ̆ng dêh char Juđê ưh kơ đei bơngai bu năm tơ âu roi tơdrong ih, khan ih pơm tơdrong kơnê̆.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Jang 9:30

Lu bôl Sôl kơtơ̆ng thoi noh na năm ba sư truh tơ Pơlei Sêsarê. Đơ̆ng noh na Sôl năm truh tơ pơlei sư Tarsơ minh drô̆ sư.

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.