Jang 27:8 - Sơ̆p Hlabơar Nơ̆r 'Bok Kei-Dei

⁸ Nhôn năm jê̆ tơ kông ei kư̆m oei đei kial mơ̆n, nhôn wơ̆r anat tơpă, na nhôn truh tơ anih đe anăn anih thŏng-nan gơh dơ̆ng minh 'bôt. Anih ei jê̆ Pơlei Lasê.

Jang 27:8 Iomraidhean Croise

Mathiơ 19:23

Na Yêsu khan kơ lu bơngai pơhrăm păng Sư: “Inh khan kơ iĕm tơpă, lu bơngai mơdrŏng wă mơ̆t tơ dêh char 'Bok Kei-Dei pơgơ̆r anat dêh.

Jang 27:12

Nhôn oei tơ anih ei kư̆m ưh kơ 'lơ̆ng ôh yua kơ kial dơhlu hơbŭt tih ei lăm bơyan 'mi, na lu bơngai hao thŏng-nan ei wă năm tơ đak dơsĭ dơ̆ng, wă năm truh tơ Pơlei Phênik. Pơlei Phênik kư̆m tơ bŏl đak ei mơ̆n na tơ ei kial đơ̆ng hơlĕch hăm đơ̆ng gah yă-nơ̆m dơhlu dă 'biơ̆. Lu sư wă oei tơ ei lăp oei hơtai bơyan 'mi.

Jang 27:13

Klaih kơ noh kial dơhlu dă 'biơ̆ đơ̆ng gah gơal, na lu bơngai oei lăm thŏng-nan ei dui atŏk mam pơkơ̆ng thŏng-nan tơ kơpal boih na gơh năm. Nhôn năm jê̆ jih bŏl đak Kret.