Jang 27:7 - Sơ̆p Hlabơar Nơ̆r 'Bok Kei-Dei

⁷ Đei kial dơhlu hơdrơ̆k, na kơplah 'bar pêng năr nhôn năm adar adar đĕch. Nhôn năm anat tơpă, na truh tơ Pơlei Kơnat. Nhôn ưh kơ gơh năm tơpăt yua kơ kial dơhlu hơdrơ̆k, na nhôn weh gah 'ngiĕo năm brih gah anih kueng kơdrô̆ đe anăn Sôlêmon tơ bŏl đak đe anăn bŏl đak Kret. Nhôn oei năm gah 'ngiĕo kơ bŏl đak Kret, kiơ̆ ei kial dơhlu dă 'biơ̆.

Jang 27:7 Iomraidhean Croise

Jang 2:11

Bơ̆n đơ̆ng dêh char Kret, mơ'nah đơ̆ng dêh char Arabia. Dôm lu bơ̆n âu đei lơ dêh char tơpă, mă-lei bơ̆n kơtơ̆ng sư pơma tôm đĭ lu nơ̆r kon bơngai bơ̆n phara. Lu sư roi dôm lu tơdrong mơsêh mơyang 'Bok Kei-Dei pơm.”

Jang 27:21

Lu bơngai lăm thŏng-nan ei ơ̆t kơ sŏng sa đunh boih, na Pôl dơ̆ng 'bơ̆t anăp lu sư hăm khan: “Ơ bre, dah iĕm chu nơ̆r inh khan kơ bơ̆n ki na bơ̆n 'nĕ kơ năm đơ̆ng bŏl đak Kret ki, lei bơ̆n huay kơ hiong đĭ tơmam bơ̆n.

Jang 27:4

Đơ̆ng noh nhôn năm dơ̆ng. Yua kơ kial dơhlu hơdrơ̆k, na nhôn năm gah 'ma bŏl đak Chiprơ. Kiơ̆ ei ưh kơ gan đei kial dơhlu thoi hei dơ̆ng ôh.

Tit 1:12

Âu minh 'nu 'bok thây 'lơ̆ng oei tơ bŏl đak Kret sơ̆, sư bơtho pơhil kơ lu buăl sư kơlih kơ lu buăl sư bơngai kơchu, sư khan: “Nhôn bơngai tơring đak Kret hơlĕnh plơ̆ plĕch kơ đe. Nhôn 'maih chă tơdrong blah 'bet đe. Nhôn bơngai sa dư păng alah kơ jang.”

Tit 1:5

Lăp ba tơklah băl đơ̆ng bŏl đak Kret ki, inh pơkă kơ ih kư̆ kơ oei tơ noh wă kơ ih jang mă keh dôm tơdrong inh jang ưh kơ tam keh. Inh wă kơ ih rơih chă lu bơngai lui wă pơm kră wei-lăng bơngai lui tơ rim pơlei, kư̆m thoi inh pơkă kơ ih ki.