Jang 27:41 - Sơ̆p Hlabơar Nơ̆r 'Bok Kei-Dei

⁴¹ Na thŏng-nan năm 'blep hloi sơlam bŏl đak, mă-lei đei bŏl iĕ ala kơ đak, na kơtơh thŏng-nan hơtŭt 'bơm bŏl iĕ. Thŏng-nan ưh pă gơh năm dơ̆ng. Na đak dơsĭ ei poh-yă tih tơpă, đak tơglăk gah rŏng thŏng-nan pơchah hloi.

Jang 27:41 Iomraidhean Croise

I Pot 22:48

Kơplah noh lăm char Eđôm ưh kơ đei pơtao, đei minh 'nu yŏng chă jang tang tơplih pơgơ̆r lu sư.

II Ho 20:37

Kơplah noh Êliêser kon drŏ-nglo Dôdawahu đơ̆ng pơlei Marêsa khan lê̆ adrol gah Jêhôsaphat khan; “Yua kơ ih đei pơgơ̆p boih hăm Ahasia, Kră Yang gô pơrăm lê̆ tơdrong jang mă ih đei pơm boih.” Duk mă lu sư pơm noh pơchah, lei na duk noh ưh kơ gơh năm truh tơ Tarsis ôh.

Êsêkiên 27:26

Lu bơngai huơ̆r kơ ih, ba ih lăm đak dơsĭ păng kial đơ̆ng gah hơlĕch bah pơrăm ih tơ lăm tŏk-bŏk đak dơsĭ.

Êsêkiên 27:34

Dang ei hlôi răm krăm hiong lăm đak dơsĭ, mŭk drăm mơdro mơchan păng kon pơlei oei hơdai hăm ih kư̆m môch hiong hăm ih.

Jang 27:17

Nhôn atŏk plŭng kơpal thŏng-nan boih, na chô̆ thŏng-nan hăm tơlei lơ dăr gah 'ngoaih kơ thŏng-nan, yua kơ nhôn hli kơ thŏng-nan pơchah. Lu sư hli kơ thŏng-nan năm khŏm khŏm na 'bơm hloi bŏl chuơh tơ jih đak dơsĭ lăm dêh char Libi. Na lu sư yaih tơjur lê̆ che đơ̆ng thŏng-nan, na kial dơhlu kơdrô̆ thŏng-nan đĕch.

Jang 27:30

Lu bơngai wei thŏng-nan ei wă chă tơdrong gơh klĕnh đơ̆ng thŏng-nan. Lu sư tơjur plŭng tơ đak khan wă tơjur mam gah anăp thŏng-nan, mă-lei lu sư wă kơdâu klĕnh đĕch.

Jang 27:40

Na lu sư kăt tơlei đêl chô̆ mam pơkơ̆ng, na tơhuŏng tŭk lê̆ lăm đak. Lu sư yaih tơlei chô̆ 'long wơ̆r na đơ̆ng noh lu sư atŏk che chô̆ 'bơ̆t anăp thŏng-nan, wă kơ kial dơhlu năm tơ anăp.

Jang 27:42

Lu linh sư tơchĕng wă pơlôch đĭ lu bơngai bơnă, yua kơ lu sư hli kơ mơ'nah gơh glơi đak na kơdâu jăk tơ nai.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.