Jang 27:40 - Sơ̆p Hlabơar Nơ̆r 'Bok Kei-Dei

⁴⁰ Na lu sư kăt tơlei đêl chô̆ mam pơkơ̆ng, na tơhuŏng tŭk lê̆ lăm đak. Lu sư yaih tơlei chô̆ 'long wơ̆r na đơ̆ng noh lu sư atŏk che chô̆ 'bơ̆t anăp thŏng-nan, wă kơ kial dơhlu năm tơ anăp.

Jang 27:40 Iomraidhean Croise

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Jang 27:17

Nhôn atŏk plŭng kơpal thŏng-nan boih, na chô̆ thŏng-nan hăm tơlei lơ dăr gah 'ngoaih kơ thŏng-nan, yua kơ nhôn hli kơ thŏng-nan pơchah. Lu sư hli kơ thŏng-nan năm khŏm khŏm na 'bơm hloi bŏl chuơh tơ jih đak dơsĭ lăm dêh char Libi. Na lu sư yaih tơjur lê̆ che đơ̆ng thŏng-nan, na kial dơhlu kơdrô̆ thŏng-nan đĕch.

Jang 27:41

Na thŏng-nan năm 'blep hloi sơlam bŏl đak, mă-lei đei bŏl iĕ ala kơ đak, na kơtơh thŏng-nan hơtŭt 'bơm bŏl iĕ. Thŏng-nan ưh pă gơh năm dơ̆ng. Na đak dơsĭ ei poh-yă tih tơpă, đak tơglăk gah rŏng thŏng-nan pơchah hloi.