Jang 27:38 - Sơ̆p Hlabơar Nơ̆r 'Bok Kei-Dei

³⁸ Lu nhôn sŏng sa phĭ mah boih, na nhôn tŭk lê̆ pơđĭ phe lăm đak dơsĭ wă kơ thŏng-nan huay kơ trăp.

Jang 27:38 Iomraidhean Croise

Jop 2:4

Satan tơl Kră Yang: “Akar 'mong akar. Minh 'nu bơngai kư̆m gơh jao đĭ mŭk tơmam sư đei wă tơplih iŏk tơdrong arih sư.

Bôk Bơthô 3:6

Đei năr chơchă, đei năr sư hiong, Đei khei năr răk mong, đei năr hŭt lê̆;

Jôna 1:5

Lu bơngai wơ̆r duk păng lu bơngai jang lăm duk hli tơpă, rim 'nu bơngai hao lăm duk krao chă yang lu sư kơdih. Đơ̆ng noh, lu sư hŭt lê̆ đĭ tơmam đơ̆ng lăm duk tơ đak dơsĭ, wă kơ duk phiơl 'biơ̆. Mă-lei Jôna sư oei 'bĭch tep tơ anih ala lăm duk.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 6:25

“Yua kơ thoi noh na Inh wă khan kơ iĕm, 'nĕ tơchĕng kơ tơmam sŏng sa, 'nĕ tơchĕng kơ hơbĕn ao hrŭk. 'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 12:23

'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.