Jang 27:34 - Sơ̆p Hlabơar Nơ̆r 'Bok Kei-Dei

³⁴ Na dang ei inh wă kơ bơ̆n sŏng sa wă kơ bơ̆n pran huay kơ rơmơ̆n. Iĕm 'nĕ pă mah hli dêh hŏ, inh băt ưh kơ đei bu jĭ kiơ ôh.”

Jang 27:34 Iomraidhean Croise

I Pot 1:52

Sôlômôn tơl: “Tơdah sư arih sa pơm 'lơ̆ng tơpăt lei mă minh dăng sŏk đơ̆ng kơ̆l sư ưh kơ đei huŏng ôh tơ teh, mă-lei tơdah đe 'bôh sư pơm yoch sư gô lôch.”

Mathiơ 10:30

Sŏk bơ̆n Sư jô̆ băt tôm.

Mathiơ 15:32

Yêsu krao lu bơngai pơhrăm păng Sư na khan: “Inh mơnat kơ lu bơngai tơpôl âu dêh, oei hơdai bơ̆n pêng năr boih tơmam sa lu sư đĭ pă đei boih. Dah bơ̆n tơwih lu sư brŏk klak hoh Inh hli kơ lu sư rơmơ̆n rok trong.”

Luka 12:7

Mă sŏk bơ̆n 'Bok Kei-Dei kư̆m jô̆ băt tôm. Thoi noh na iĕm 'nĕ kơ hli. 'Bok Kei-Dei 'mêm kơ iĕm hloh kơ sư 'mêm kơ sem rĕch.

Luka 21:18

Mă-lei gah tơdrong arih ling-lang, iĕm ưh kơ hiong kiơ ôh, mă khan minh dăng sŏk kư̆m ưh kơ hiong mơ̆n.

Jang 27:33

Wă jê̆ 'năr lĕch boih na Pôl apinh đĭ lu sư sŏng sa. Pôl khan: “Bơ̆n nŏng kơ chang gô kial dơhlu dă 'biơ̆ ơ̆t kơ sŏng sa mơjĭt-puăn năr boih.

Philip 2:5

Iĕm athei tơchĕng đon thoi Yêsu Krist tơchĕng:

I Tim 5:23

Krô hmă ih jĭ klak, ih 'nĕ pă nhă đak 'blăng ngăl hŏ, ih athei et 'biơ̆ sik hơmu tŏ sĕt wă kơ huay pă jĭ dơ̆ng.

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.