Jang 27:33 - Sơ̆p Hlabơar Nơ̆r 'Bok Kei-Dei

³³ Wă jê̆ 'năr lĕch boih na Pôl apinh đĭ lu sư sŏng sa. Pôl khan: “Bơ̆n nŏng kơ chang gô kial dơhlu dă 'biơ̆ ơ̆t kơ sŏng sa mơjĭt-puăn năr boih.

Jang 27:33 Iomraidhean Croise

Esther 4:16

Akŭm đĭ-đăng lu adrĕch bơngai Juđa tơ pơlei Susa bĕ, đơ̆ng noh athei ơ̆t kơ sŏng sa lăm pêng năr yua kơ inh, 'nĕ sŏng sa, kư̆m 'nĕ kơ nhă đak. Inh hăm lu bơngai awih awăn tơgŭm inh kư̆m ơ̆t kơ sŏng sa mơ̆n. Thoi noh inh gô mơ̆t tơ anih pơtao, mă khan pơm glăi kơ tơdrong juăt bưh mơ̆n. Tơdah trŏ kơ lôch lei inh lôch.

Mathiơ 15:32

Yêsu krao lu bơngai pơhrăm păng Sư na khan: “Inh mơnat kơ lu bơngai tơpôl âu dêh, oei hơdai bơ̆n pêng năr boih tơmam sa lu sư đĭ pă đei boih. Dah bơ̆n tơwih lu sư brŏk klak hoh Inh hli kơ lu sư rơmơ̆n rok trong.”

Jang 27:21

Lu bơngai lăm thŏng-nan ei ơ̆t kơ sŏng sa đunh boih, na Pôl dơ̆ng 'bơ̆t anăp lu sư hăm khan: “Ơ bre, dah iĕm chu nơ̆r inh khan kơ bơ̆n ki na bơ̆n 'nĕ kơ năm đơ̆ng bŏl đak Kret ki, lei bơ̆n huay kơ hiong đĭ tơmam bơ̆n.

Jang 27:32

Na lu bơngai linh kăt tơlei đơ̆ng chô̆ plŭng ei, achăng plŭng tơ đak.

Jang 27:34

Na dang ei inh wă kơ bơ̆n sŏng sa wă kơ bơ̆n pran huay kơ rơmơ̆n. Iĕm 'nĕ pă mah hli dêh hŏ, inh băt ưh kơ đei bu jĭ kiơ ôh.”

Jang 9:19

Đơ̆ng rŏng đe pơm kơ sư 'batem sư đei sŏng por. Đơ̆ng noh sư đei jơhngơ̆m 'biơ̆ mơ̆n. Sư oei păng lu bơngai lui kơ Yêsu tơ Pơlei Đamas đunh 'biơ̆ mơ̆n.