Jang 27:30 - Sơ̆p Hlabơar Nơ̆r 'Bok Kei-Dei

³⁰ Lu bơngai wei thŏng-nan ei wă chă tơdrong gơh klĕnh đơ̆ng thŏng-nan. Lu sư tơjur plŭng tơ đak khan wă tơjur mam gah anăp thŏng-nan, mă-lei lu sư wă kơdâu klĕnh đĕch.

Jang 27:30 Iomraidhean Croise

Jang 27:16

Nhôn brih gah gơal bŏl đak đe anăn bŏl đak Kaođa, na kial dă 'biơ̆. Đơ̆ng ki nhôn dui minh pôm plŭng đơ̆ng rŏng kơ thŏng-nan, na nhôn adrin tơpă wă atŏk plŭng ei tơ kơpal thŏng-nan.

Jang 27:27

Kial oei dơhlu thŏng-nan nhôn tơ đak dơsĭ khŏm khŏm truh mơjĭt-puăn năr. Đe anăn đak dơsĭ ei Adria. Dang mơjĭt-'bar jơ kơmăng 'nei, lu bơngai wei thŏng-nan băt kơ nhôn năm wă jê̆ truh tơ jih đak boih.

Jang 27:29

Lu sư hli kơ thŏng-nan hơtŭt 'bơm tơmo tih na lu sư tơjur lăm đak puăn tŏ mam trăp yua wă pơkơ̆ng gah rŏng thŏng-nan. Hăm lu sư chang 'năr dah lĕch đĕch boih, yua kơ lu sư hli kơ thŏng-nan ei kơtĕch.

Jang 27:31

Na Pôl khan kơ 'bok yŏng linh hăm lu linh sư: “Tơdah lu tơ'ngla wei thŏng-nan jăk, bơ̆n gô lôch đĭ-đăng.”

Jang 27:32

Na lu bơngai linh kăt tơlei đơ̆ng chô̆ plŭng ei, achăng plŭng tơ đak.