Jang 27:23 - Sơ̆p Hlabơar Nơ̆r 'Bok Kei-Dei

^23-24 Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Jang 27:23 Iomraidhean Croise

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Horiso 135:4

Yua kơ Kră Yang rơih boih Jakôp kơ Sư, păng rơih Isơrael jing tơmam Sư kơdih.

Horiso 143:12

Yua kơ tơdrong 'mêm mơnat Ih. Apinh Ih pơlôch pơrăm đĭ bĕ lu ayăt kơ inh, Păng pơrăm lê̆ lu bơngai pơjuă pơđep inh; Yua kơ inh jing đĭch đam Ih.

Le 19:5

Na, tơdah lu iĕm chu yom Inh păng wei răk dôm tơdrong Inh pơgơ̆p pơkă, lei lăm đĭ-đăng kơ dêh char, lu iĕm boih jing tơmam gĭt Inh. Mă khan đĭ-đăng teh đak jing tơmam Inh ngăl.

Hơri Hiôk 2:16

Bơngai mă inh hơyuh jing tơmam inh bơih, Păng inh jing tơmam sư. Sư wei triu sư tơ lăm tŏk-bŏk pơgar pơkao kok jơk.

Hơri Hiôk 6:3

Inh jing tơmam kơ bơngai mă inh hơyuh, Păng bơngai inh hơyuh jing tơmam inh; Sư pơhiôk jơhngơ̆m sư lăm pơgar đei pơkao kok jơk.

Êsai 44:21

“Ơ Jakôp, 'blŏk bĕ lu tơdrong 'nâu yua kơ iĕm jơ̆ đam Inh. Ơ Isơrael Inh bơih pơjing iĕm, iĕm đam Inh Ơ Isơrael Inh ưh kơ hiơt kơ iĕm ôh.

Êsai 44:5

Bơngai âu sư gô khan, inh gah Kră Yang, bơngai nai dơ̆ng sư krao anăn sư hăm anăn Jakôp. Bơngai plơ̆ng dơ̆ng sư chih tơ ti sư khan: Inh gah Kră Yang păng chih anăn Isơrael tơ ti Sư.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Je 32:38

Lu sư gô jing kon pơlei pơla Inh păng Inh boih Kră Yang 'Bok Kei-Dei lu sư.

Êsêkiên 36:38

nhen thoi triu 'măn wă pơm tơmam soi tơ Jêrusalem lăm năr giĕng tih. Mă lu pơlei đêl pơchah răm gô 'bĕnh kơ kon pơlei oei, lei na lu sư gô băt Inh boih Kră Yang.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Yo 12:26

Bơngai lui jang tơdrong Inh, sư 'noh athei lui kiơ̆ Inh mă tơpă. Bơngai lui jang tơdrong Inh, sư 'noh gô oei hơdai hăm Inh ling-lang păng 'Bă Inh gô ăn kơ sư tơdrong apah.”

Jang 12:23

Linh jang 'lơ̆ng Kră Yang pơm hloi kơ pơtao Hêrôt đei tơdrong jĭ, kơlih kơ sư ưh kơ ư-ang kơ 'Bok Kei-Dei ôh. Sư lăp đon kơ đe ư-ang kơ sư khan yang. Na sư lôch kơ hơmơng sa.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 18:9

Minh măng ei Pôl apo 'bôh Kră Yang Yêsu pơma păng sư khan: “Ih 'nĕ kơ hli păng ih 'nĕ kơ tŭk tơdrong jang ih. Ih kư̆ bơtho ling-lang đĕch.

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 5:19

Mă-lei đei linh jang 'lơ̆ng đơ̆ng Kră Yang 'Bok Kei-Dei năm pơih ăn kơ lu sư 'măng kơmăng tơlĕch lu sư păng khan:

Jang 8:26

Na gah Philip dơ̆ng, linh jang 'lơ̆ng 'Bok Kei-Dei khan kơ sư thoi âu: “Ih năm tơ gah gơal Pơlei Jêrusalem hŏ, gah trong char glă chơngue mă jur đơ̆ng Pơlei Jêrusalem truh tơ Pơlei Gasa.”

Rom 1:1

Inh Pôl chih hơpong kơ iĕm bơngai Rôm. Inh bơngai đĭch đam Yêsu Krist. 'Bok Kei-Dei krao inh pơm jơ̆ng 'bang Sư, wă kơ inh năm chă bơtho kơ đe tơdrong 'nao 'lơ̆ng Sư.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

Both 32:9

Gah Kră Yang noh kon pơlei Sư, Jakôp noh gah Sư.

II Tim 1:3

Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

II Tim 2:24

Lu đĭch đam Kră Yang 'Bok Kei-Dei ưh kơ gơh hil hơwĕng kơ đe ôh. Sư athei pơm 'lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Tit 1:1

Pôl chih hơpong kơ Tĭt. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu đơ̆ng inh bơtho ih sơ̆. Inh boih đĭch đam 'Bok Kei-Dei păng jơ̆ng 'bang Yêsu Krist. 'Bok Kei-Dei wơh inh bơtho kon bơngai đêl Sư rơih iŏk wă kơ lu sư lui kơ Sư păng wă tơbăt ăn kơ lu sư tơdrong Sư, na lu sư gơh pơm tơdrong 'lơ̆ng tơpăt. Thoi noh na lu sư gô arih ling-lang. 'Bok Kei-Dei ưh kơ hơlĕnh ôh. Đơ̆ng blŭng-a sơ̆, đơ̆ng Sư tam mă pơjing plĕnh teh, đơ̆ng noh boih Sư pơkă khan gô ăn kơ bơ̆n arih ling-lang. Na truh sơnăm Sư boih, na Sư pơtruh ăn kơ bơ̆n tơdrong 'nao 'lơ̆ng Sư wă ăn kơ bơ̆n arih ling-lang. Thoi noh boih 'Bok Kei-Dei dŏng pơklaih bơ̆n. Kư̆m Sư boih athei inh bơtho tơdrong 'nao 'lơ̆ng Sư. Ơ dăm, inh krao khan apinh 'Bă tơm bơ̆n 'Bok Kei-Dei hăm 'Bok Dŏng Pơklaih bơ̆n Yêsu Krist wei-lăng ih tôm tơdrong wă kơ Sư ăn kơ ih hiôk-hian ling-lang.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”