Jang 27:2 - Sơ̆p Hlabơar Nơ̆r 'Bok Kei-Dei

² Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

Jang 27:2 Iomraidhean Croise

Luka 8:22

Minh năr ei, Yêsu păng lu bơngai pơhrăm păng Sư tŏk thŏng-nan. Na Yêsu khan kơ lu sư: “Bĕ bơ̆n tŏk pah to đak dơsĭ.” Na lu sư năm hloi.

Jang 16:17

Adruh ei năm kiơ̆ nhôn đe Pôl, sư pơma 'bơ̆r re khan: “Lu bơngai âu jang tơdrong 'Bok Kei-Dei Kră Yang tih hloh. Lu sư bơtho ăn kơ iĕm tơdrong 'Bok Kei-Dei wă pơklaih iĕm đơ̆ng tơdrong yoch.”

Jang 17:1

Bre Pôl păng Silas năm drong tơ Pơlei Amphi păng Pơlei Apơlê, na truh tơ Pơlei Têsalônik. Tơ ei đei hnam akŭm đe Juđê.

Jang 19:19

Đei lơ bơngai pơm pơjâu nai dơ̆ng, lu sư năm tơ Pôl chĕp ba sơ̆p hla bơar tơdrong pơjâu sư, na soh lê̆ sơ̆p hla bơar ei 'bơ̆t anăp lu kon pơlei pơla hloi. Đe jô̆ jên răt hla bơar ei sơ̆ đei pơđăm-jĭt rơbâu jên hu.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 2:9

Bơ̆n phŏ phŏ đei bôl mơ'nah đơ̆ng dêh char Parthê, mơ'nah đơ̆ng dêh char Mêđơ, mơ'nah đơ̆ng dêh char Êlam, mơ'nah đơ̆ng dêh char Mesôpôtôme, mơ'nah đơ̆ng dêh char Juđê; kư̆m đei mơ'nah đơ̆ng Kapadôs, kư̆m đei mơ'nah đơ̆ng dêh char Pôntơ, kư̆m đei dơ̆ng mơ'nah đơ̆ng dêh char Asi.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Jang 28:10

Lu sư ăn kơ nhôn tơmam kư̆m lơ mơ̆n. Hơtai nhôn wă yak tŏk tơ thŏng-nan yak đơ̆ng ei dơ̆ng lu sư ăn kơ nhôn đĭ tơmam nhôn kăl wă yak.

Jang 28:12

Na nhôn tŏk thŏng-nan năm truh tơ Pơlei Sirakus, oei tơ ei pêng năr.

Jang 28:16

Nhôn truh tơ Pơlei Rôm, na đe ăn kơ Pôl oei hnam kơdrô̆, đei minh 'nu bơngai linh kiơ̆ wei-lăng sư.

Jang 28:2

Lu bơngai nai oei tơ bŏl đak ei mơnat kơ nhôn na tơgŭm nhôn, yua kơ tơ ei bơyan 'mi păng tơngiĕt. Na lu bơngai ei rŭk ŭnh, na pơtơm nhôn nhur ŭnh sư ei.

Kôlôsê 4:10

Aritak, sư oei lăm hnam phak hơdai hăm inh, sư kư̆m hơdai jet gia iĕm. Markôs, oh 'Barna'ba pôm yă 'bok, sư kư̆m hơdai jet gia iĕm mơ̆n. Dah sư đei năm tơ iĕm, iĕm sơng iŏk sư hŏ, kiơ̆ thoi inh khan kơ iĕm boih.