Jang 27:18 - Sơ̆p Hlabơar Nơ̆r 'Bok Kei-Dei

¹⁸ Năr dơning dơ̆ng kial oei hơbŭt khŏm khŏm thoi brei na lu sư iŏk tơmam chơ đơ̆ng thŏng-nan tŭk lê̆ lăm đak dơsĭ.

Jang 27:18 Iomraidhean Croise

Horiso 107:27

Lu sư mơngưt mơngat nhen thoi bơngai suai. Tơdrong hơgei lu sư hiong đĭ.

Jôna 1:5

Lu bơngai wơ̆r duk păng lu bơngai jang lăm duk hli tơpă, rim 'nu bơngai hao lăm duk krao chă yang lu sư kơdih. Đơ̆ng noh, lu sư hŭt lê̆ đĭ tơmam đơ̆ng lăm duk tơ đak dơsĭ, wă kơ duk phiơl 'biơ̆. Mă-lei Jôna sư oei 'bĭch tep tơ anih ala lăm duk.

Mathiơ 16:26

Mă bu mơdrŏng đei tôm mŭk tơmam tơ teh âu, dah sư ưh kơ arih ling-lang, lei truh sư lôch ưh pă đei yua kiơ boih. Mă sư mơdrŏng kư̆m ưh kơ gơh răt tơdrong arih sư ôh.

Luka 12:23

'Bok Kei-Dei gơh pơjing iĕm arih, Sư kư̆m băt ăn kơ iĕm tơmam sa mơ̆n, Sư kư̆m băt ăn kơ iĕm hơbĕn ao hrŭk mơ̆n.

Luka 16:8

Bơngai đam kơiĕng ei pơm ưh kơ tơpăt ră, mă-lei yŏng sư kư̆m ngơnh kơ sư chă gơh găi pơm tơdrong arih akâu, yua kơ lu bơngai ala teh âu, lu sư hơgei hloh kơ bơngai lui gah tơdrong tơgŭm dih băl chă 'me akâu jăn wă kơ arih akâu.

Jang 27:19

Năr dơmônh dơ̆ng lu sư yaih tŭk lê̆ lu tơmam yua lăm thŏng-nan hăm ti sư kơdih.

Jang 27:38

Lu nhôn sŏng sa phĭ mah boih, na nhôn tŭk lê̆ pơđĭ phe lăm đak dơsĭ wă kơ thŏng-nan huay kơ trăp.

Hêbrơ 12:1

Bơ̆n 'bôh lơlap lơlang lu bơngai noh sơ̆, lu sư đei đon lui kơjăp tơpă, na lu bơ̆n athei adrin kiơ̆ thoi lu sư. Bơ̆n adrin thoi lu bơngai kơdâu pơjei băl. Thoi noh na lu bơ̆n athei tŭk lê̆ dôm tơdrong mă pơm kơ akâu bơ̆n trăp păng tôm kơ tơdrong yoch mă oei chô̆ pơkơ̆ng bơ̆n. Bơ̆n athei adrin kơdih kơdih kơdâu rok trong mă 'Bok Kei-Dei đêl pơkă kơ bơ̆n boih.