Jang 27:17 - Sơ̆p Hlabơar Nơ̆r 'Bok Kei-Dei

¹⁷ Nhôn atŏk plŭng kơpal thŏng-nan boih, na chô̆ thŏng-nan hăm tơlei lơ dăr gah 'ngoaih kơ thŏng-nan, yua kơ nhôn hli kơ thŏng-nan pơchah. Lu sư hli kơ thŏng-nan năm khŏm khŏm na 'bơm hloi bŏl chuơh tơ jih đak dơsĭ lăm dêh char Libi. Na lu sư yaih tơjur lê̆ che đơ̆ng thŏng-nan, na kial dơhlu kơdrô̆ thŏng-nan đĕch.

Jang 27:17 Iomraidhean Croise

Jang 27:16

Nhôn brih gah gơal bŏl đak đe anăn bŏl đak Kaođa, na kial dă 'biơ̆. Đơ̆ng ki nhôn dui minh pôm plŭng đơ̆ng rŏng kơ thŏng-nan, na nhôn adrin tơpă wă atŏk plŭng ei tơ kơpal thŏng-nan.

Jang 27:26

Mă-lei kial dơhlu thŏng-nan bơ̆n, thŏng-nan bơ̆n gô hơtŭt 'bơm bŏl đak.”

Jang 27:29

Lu sư hli kơ thŏng-nan hơtŭt 'bơm tơmo tih na lu sư tơjur lăm đak puăn tŏ mam trăp yua wă pơkơ̆ng gah rŏng thŏng-nan. Hăm lu sư chang 'năr dah lĕch đĕch boih, yua kơ lu sư hli kơ thŏng-nan ei kơtĕch.

Jang 27:40

Na lu sư kăt tơlei đêl chô̆ mam pơkơ̆ng, na tơhuŏng tŭk lê̆ lăm đak. Lu sư yaih tơlei chô̆ 'long wơ̆r na đơ̆ng noh lu sư atŏk che chô̆ 'bơ̆t anăp thŏng-nan, wă kơ kial dơhlu năm tơ anăp.

Jang 27:41

Na thŏng-nan năm 'blep hloi sơlam bŏl đak, mă-lei đei bŏl iĕ ala kơ đak, na kơtơh thŏng-nan hơtŭt 'bơm bŏl iĕ. Thŏng-nan ưh pă gơh năm dơ̆ng. Na đak dơsĭ ei poh-yă tih tơpă, đak tơglăk gah rŏng thŏng-nan pơchah hloi.