Jang 27:1 - Sơ̆p Hlabơar Nơ̆r 'Bok Kei-Dei

¹ Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 27:1 Iomraidhean Croise

Bl 50:20

Đĭ lu 'nhŏng wă pơrăm inh ră, mă-lei Kră Yang 'Bok Kei-Dei pơm kơ inh đei yua, wă kơ dŏng pơklaih lơ bơngai, thoi noh dôm tơdrong mă đei truh dang ei păng oei wă wei rong tơdrong arih lơlang lơlap kon pơlei.

Horiso 33:11

Mă-lei tơdrong Kră Yang pơđâu kơjăp ling-lang, Jơhngơ̆m đon Sư tơchĕng oei đei dĭng truh đĭ jơhnơr.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Tơdrông Pơđơk 19:21

Jơhngơ̆m kon bơngai đei lơ tơdă wă pơm, Mă-lei đei tơdrong Kră Yang wă gô jing.

Nhom 3:27

'Lơ̆ng dêh bơngai bu tung 'long ăt đơ̆ng sư oei 'lơ̆p.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

Mathiơ 27:54

'Bok tih linh păng lu linh sư wei Yêsu, lu sư 'bôh teh adrŏ păng dôm tơdrong hlĭch noh, lu sư hli dêh, na lu sư khan: “Sư âu Kon 'Bok Kei-Dei tơpă.”

Luka 23:47

'Bok tih linh 'bôh dôm tơdrong Yêsu lôch noh na sư ư-ang kơ 'Bok Kei-Dei khan: “Bơngai 'nâu Sư bơngai 'lơ̆ng tơpăt ưh kơ đei pơm yoch kiơ ôh.”

Luka 7:2

Tơ pơlei ei đei minh 'nu 'bok tih linh, sư bơngai Rôm, đei minh 'nu đĭch sư kơeng bơlŏ wă lôch dĕng dĕng.

Jang 10:1

Tơ Pơlei Sêsarê đei minh 'nu bơngai anăn sư Kôrnei. Sư 'bok yŏng linh lăm khŭl linh đe anăn khŭl Itali, mă-lei sư wei lăp minh grŭp đĕch.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Jang 16:10

Pôl apo 'bôh thoi noh, sư hơđơ̆r đơ̆ng tep khan hloi kơ nhôn hơmet tơmam yak năm tơ dêh char Masêđôn, yua kơ nhôn băt kơ 'Bok Kei-Dei krao nhôn bơtho Tơdrong 'Nao 'Lơ̆ng Sư tơ char Masêđôn boih.

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 21:32

Na 'bok tih linh ei krao hloi 'bok phŏ iĕ 'biơ̆ kơ sư păng lu linh sư mơ̆n năm tơkan hloi tơ lu đe tơpôl lơ ei. Lăp lu kon pơlei pơla 'bôh 'bok tih linh păng lu linh sư, na lu kon pơlei pơla huay pă teh Pôl dơ̆ng.

Jang 22:26

'Bok linh kơtơ̆ng Pôl pơma thoi noh, na sư năm tơ 'bok yŏng sư jet hloi: “Ih wă pơm kiơ kơ bơngai âu, sư bơngai Rôm lah?”

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 23:17

Na Pôl krao minh 'nu 'bok phŏ linh păng khan: “Apinh ih năm ba bơngai tơdăm âu tơ 'bok yŏng ih. Sư đei tơdrong wă pơma hăm yŏng ih.”

Jang 24:23

Phêlik athei linh sư gak Pôl, mă-lei ăn kơ Pôl rơhơi 'biơ̆ mơ̆n păng ăn lu bôl buăl sư năm tơdŏng mơnat dôm tơdrong Pôl wă.

Jang 25:12

Na Phêtus pơma dơnuh hăm lu 'bok phŏ sư. Klaih kơ noh sư khan kơ Pôl: “Ih khan ih wă kơ 'bok pơtao tơm bơngai Rôm sek tơlang tơdrong ih lei kư̆m bưh mơ̆n; inh kư̆m ăn kơ ih năm tơ sư.”

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 27:11

Mă-lei 'bok yŏng linh sư ưh kơ chu kơ Pôl pơma ôh, sư chu pôm bơngai wơ̆r thŏng-nan hăm tơ'ngla thŏng-nan ei đĕch.

Jang 27:43

Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.

Jang 27:6

Lăp truh tơ ei boih, 'bok yŏng linh chă đei minh pôm thŏng-nan nai đơ̆ng Pơlei Aleksandrê wă năm tơ dêh char Itali. Na sư athei lu nhôn tŏk thŏng-nan ei.

Jang 28:1

Lăp nhôn tŏk đơ̆ng đak tơ kông boih nhôn kơtơ̆ng đe khan bŏl đak âu đe anăn bŏl đak Malitơ.

Jang 28:16

Nhôn truh tơ Pơlei Rôm, na đe ăn kơ Pôl oei hnam kơdrô̆, đei minh 'nu bơngai linh kiơ̆ wei-lăng sư.

Hêbrơ 13:24

Iĕm roi kơ lu kră wei-lăng iĕm păng đĭ kơ lu 'nhŏng oh kon 'Bok Kei-Dei hŏ, inh đei nơ̆r jet gia pơma dơnuh rơnguơ̆ ră kơ iĕm. Lu 'nhŏng oh bơ̆n bơngai Itali kư̆m hơdai pơtruh nơ̆r jet gia pơma dơnuh păng iĕm mơ̆n.