Jang 26:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.

Jang 26:7 Iomraidhean Croise

Esơra 6:17

Gah tơdrong pơm giĕng et sa pơih hnam akŭm keh âu, lu sư pơyơ̆r minh-hrĕng tŏ rơmo dăm, 'bar-hrĕng tŏ triu dăm, puăn-hrĕng tŏ triu tơno păng kiơ̆ kơ lu adrĕch bơngai Isơrael, lu sư pơyơ̆r mơjĭt-'bar tŏ bơbe dăm pơm tơmam soi huai đơ̆ng yoch ăn kơ mơjĭt-'bar adrĕch bơngai Isơrael.

Esơra 8:35

Lu nhôn bơngai mă đe rôp pơm bơnă gơh wih brŏk dơ̆ng, pơyơ̆r tơmam soi 'buh ăn kơ Kră Yang 'Bok Kei-Dei đe Isơrael đĭ mơjĭt-'bar tŏ rơmo dăm đơ̆ng lăm mơjĭt-'bar adrĕch Isơrael, tơsĭn-jĭt tơdrâu tŏ triu dăm, tơpơh-jĭt tơpơh tŏ triu kon păng mơjĭt-'bar tŏ bơbe dăm wă pơm tơmam soi huai iŏk tơdrong yoch; đĭ-đăng pơm tơmam soi 'buh pơyơ̆r kơ Kră Yang.

Horiso 135:2

Lu iĕm bơngai mă bơ̆jang lăm hnam Kră Yang. Tơ cham Hnam Kră Yang 'Bok Kei-Dei lu bơ̆n.

Mathiơ 19:28

Yêsu khan: “Inh khan kơ iĕm tơpă, ning-mônh lăp 'Bok Kei-Dei pơjing plĕnh teh 'nao dơ̆ng, Inh Kon Bơngai gô oei kơpal tang-dŏ pơtao 'lơ̆ng rŏ tơpă, na lu iĕm mơjĭt-'bar 'nu kiơ̆ Inh âu, lu iĕm kư̆m gô oei kơpal tang-dŏ pơtao mơ̆n, gô sek tơlang mơjĭt-'bar khŭl bơngai Isơrael.

Luka 2:25

Tơ Pơlei Jêrusalem ei đei minh 'nu bơngai anăn sư Simiôn. Sư bơngai 'lơ̆ng tơpăt kư̆m lui kơjăp păng chang gô 'Bok Kei-Dei wơh 'Bok Krist dŏng pơklaih lu bơngai Isơrael. Na Yang Bơhngol 'Lơ̆ng oei hơdai păng sư.

Luka 22:30

Iĕm gô sŏng sa hơdai păng Inh kơplah Inh pơgơ̆r ning-mônh păng iĕm kư̆m pơm pơtao sek tơlang kơ mơjĭt-'bar khŭl bơngai Isơrael.

Jang 20:31

Na iĕm athei kơchăng. Iĕm 'nĕ kơ hiơt kơplah măng năr inh bơtho iĕm lăm pêng sơnăm sơ̆. Inh kư̆m nhơ̆m hmoi ơh yua kơ iĕm, hli kơ iĕm lui ưh kơjăp.

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

Jang 26:2

“Ơ pơtao Agripa, jơhngơ̆m inh chơt hiôk yua kơ năr âu inh gơh pơma dŏng akâu inh kơdih 'bơ̆t anăp ih, dôm tơdrong lu bơngai Juđê jâu inh âu.

Jang 26:3

Jơhngơ̆m inh chơt hiôk yua kơ ih băt đĭ lu tơdrong juăt bơngai Juđê hăm lu tơdrong sư pơjah dih băl, na ih gơh sek tơlang tơpăt tơdrong inh. Na inh apinh ih adrin mơ̆ng inh 'biơ̆ hŏ.

Jang 28:20

Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Philip 3:11

Inh adrin thoi noh wă kơ ning-mônh inh iung arih thoi Sư.

I Tes 3:10

Nhôn krao khan kơ 'Bok Kei-Dei ling-lang hăm đĭ jơhngơ̆m nhôn wă apinh Sư ăn kơ nhôn năm tơ iĕm dơ̆ng, wă bơtho iĕm wă kơ iĕm lui rai pran rai kơjăp.

I Tim 5:5

Bơngai adro tơpă ưh kơ đei bu wă 'me sư na sư lui kơ 'Bok Kei-Dei gô tơgŭm sư. Sư krao khan kơ 'Bok Kei-Dei ling-lang apinh Sư tơgŭm.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.