Jang 26:32 - Sơ̆p Hlabơar Nơ̆r 'Bok Kei-Dei

³² Agripa khan kơ Phêtus: “Bơngai âu hơtai ki dah sư ưh kơ đei apinh wă năm tơ 'bok pơtao tơm Rôm lei ih gơh tơlĕch sư đơ̆ng hnam phak dang ei.”

Jang 26:32 Iomraidhean Croise

Jang 24:27

Đơ̆ng rŏng kơ noh 'bar sơnăm Phêtus tơplih Phêlik pơm kuan tih. Phêlik wă kơ lu bơngai Juđê lăp đon kơ sư, na sư ưh kơ tơlĕch Pôl đơ̆ng hnam phak.

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 28:18

Lu bơngai Rôm sek tơlang tơdrong inh khan ưh kơ đei tơdrong kiơ ôh. Na lu sư ưh kơ gơh pơlôch inh. Na lu sư wă tơlĕch inh đĕch.

Jang 28:19

Mă-lei lu bơngai Juđê ưh kơ chu kơ lu bơngai Rôm wă tơlĕch inh ôh. Na inh athei apinh 'bok kuan tih Phêtus ăn kơ 'bok pơtao tơm bơngai Rôm sek tơlang tơdrong inh. Mă-lei gah inh, ưh kơ đei jâu lu bơngai Juđê tơdrong kiơ ôh.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.