Jang 26:28 - Sơ̆p Hlabơar Nơ̆r 'Bok Kei-Dei

²⁸ Agripa khan kơ Pôl: “Ih bơtho thoi noh ih ngêh kơ inh wă lui kơ Yêsu Krist dang ei hloi hă?”

Jang 26:28 Iomraidhean Croise

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Markôs 6:20

kơlih kơ pơtao Hêrôt hli kơ Yôhan. Hêrôt băt kơ Yôhan bơngai tơpăt păng bơngai đon 'lơ̆ng ling-lang. Thoi noh na sư ưh kơ ăn pơlôch, kơplah sư mơ̆ng Yôhan bơtho jơhngơ̆m sư wơ̆l wang ră mă-lei sư 'maih mơ̆ng mơ̆n.

Jang 11:26

Lăp sư chă 'bôh boih, sư anhăk ba Sôl tơ Pơlei Antiôs. Kơplah minh sơnăm bre sư bơtho lu bơngai lui tơ Pơlei Antiôs. Bre sư bơtho tơdrong 'Bok Kei-Dei na lơ bơngai năm mơ̆ng. Tơ ei đe anăn lu bơngai lui, bơngai Krist. Đơ̆ng sơ̆ đe ưh kơ anăn thoi noh ôh.

Jang 24:25

Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”

Jang 26:27

Ơ 'bok Agripa, ih lui kơ tơdrong lu bơngai pơtruh nơ̆r 'Bok Kei-Dei khan lê̆ adrol sơ̆, inh băt kơ ih lui tơpă.”

Jang 26:29

Pôl khan: “Tơdah ih lui kơ Yêsu Krist hloi dang ei, dah ning-mônh dơ̆ng, kư̆m bưh. Mă-lei inh krao khan kơ 'Bok Kei-Dei apinh Sư tơgŭm ih, ơ 'bok pơtao păng đĭ-đăng iĕm mă mơ̆ng inh bơtho năr âu, wă kơ iĕm jing bơngai lui kơ Yêsu kư̆m lei-lăi thoi inh mơ̆n. Mă-lei inh ưh kơ wă đe chô̆ iĕm hăm tơlei glang mam thoi lĕ kơ đe chô̆ inh âu ôh.”

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Pet 4:16

Mă-lei dah bu đei tơdrong gleh yua kơ sư kiơ̆ Yêsu Krist, bơngai noh thoi lĕ kơ pŭn, bơngai noh hiôk, sư huay kơ mơlâu kơ đe ôh. Sư athei adrin ră roi pơư pơang kơ đe tơdrong Yêsu Krist hăm 'Bok Kei-Dei rai pran hloh.