Jang 26:22 - Sơ̆p Hlabơar Nơ̆r 'Bok Kei-Dei

²² Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

Jang 26:22 Iomraidhean Croise

Esơra 8:31

Năr mơjĭt-'bar khei mônh, lu nhôn pơtơm yak năm đơ̆ng đak krong Ahawa, wă năm tơ pơlei Jêrusalem. Ti Kră Yang 'Bok Kei-Dei nhôn gô tơgŭm, dŏng pơklaih nhôn đơ̆ng ti lu ayăt, lu bơngai răp trong.

Horiso 124:8

Tơdrong dŏng tơgŭm lu bơ̆n lăm anăn Kră Yang. Tơ'ngla pơjing plĕnh teh.

Horiso 18:47

Kră Yang 'Bok Kei-Dei, blah dŏng inh. Ăn kơ kon pơlei lui yom kơ inh.

Horiso 66:12

Ih ăn kơ đe hao tơ kơpal kơ̆l lu nhôn; Lu nhôn năm hlôi kơ đak, yak mơ̆t hlôi kơ ŭnh Mă-lei Ih ăn kơ lu nhôn lĕch năm tơ anih đei tơmam sa rơkah rơkai.

Mathiơ 26:24

Inh Kon Bơngai gô lôch 'blep trŏ thoi đe chih roi lê̆ hơdrol lăm sơ̆p hla bơar 'Bok Kei-Dei. Mă-lei mơnat kơ bơngai mă plơ̆ plĕch Inh noh đĕch pŭ tơdrong pơmat, 'lơ̆ng hloh đe dah lê̆ kơ tơpŭ kơ sư sơ̆.”

Luka 16:28

wă kơ lu sư tơbral kơdih tơdrong yoch na huay kơ phak lăm dơnâu ŭnh thoi inh âu.’

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Luka 24:46

Yêsu khan kơ lu sư: “Tơdrong đe chih lê̆ hơdrol noh sơ̆ thoi âu: 'Bok Krist gô đei tơdrong pơmat-tat na lôch, kơtĕch pêng năr Sư iung arih dơ̆ng.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Yo 5:46

Dah iĕm lui kơ nơ̆r Môis tơpă, noh iĕm kư̆m wă lui kơ Inh mơ̆n, kơlih kơ sư chih roi tơdrong Inh.

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 13:29

Lu sư pơm kơ Yêsu dôm tơdrong pơkă lê̆ hơdrol lăm sơ̆p hla bơar 'Bok Kei-Dei đang boih na đe tơjur akâu Sư đơ̆ng 'long pơglang na 'măn akâu Sư tơ bơsat.

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 26:17

Inh wơh ih năm bơtho lu bơngai tơmoi mă ưh kơ trŏ bơngai Juđê. Hăm Inh gô wei-lăng ih wă kơ lu bơngai Juđê hăm lu bơngai tơmoi ưh kơ pơrăm lê̆ ih.

Jang 26:6

Iĕm sek tơlang tơdrong inh âu dang ei yua kơ inh lui kơ 'Bok Kei-Dei gô tơiung arih lu bơngai lôch kiơ̆ kơ Sư pơkă hăm lu kơdră bơ̆n sơ̆.

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Rom 3:21

Na dang ei 'Bok Kei-Dei wă tơ'bôh kơ bơ̆n tơdrong Sư wă ăn kơ kon bơngai jing 'lơ̆ng tơpăt. Sư jô̆ kon bơngai bơ̆n 'lơ̆ng tơpăt yua kơ bơ̆n lui kơ Yêsu, ưh kơ sĭ yua kơ bơ̆n gơnang kơ akâu kơdih wă kiơ̆ tơdrong juăt 'Bok Kei-Dei pơkă sơ̆ ôh. Tơdrong juăt Sư pơkă noh hăm lu bơngai pơtruh nơ̆r Sư sơ̆ tơbăt ăn kơ bơ̆n

I Kor 15:3

Inh bơtho kơ iĕm sơ̆ tơdrong mă kăl dêh đêl Kră Yang Yêsu Krist ăn kơ inh, khan 'Bok Krist lôch yua kơ tơdrong yoch bơ̆n 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei.

I Kor 15:4

Đe 'bŭ Sư; kơtĕch pêng năr Sư iung arih dơ̆ng 'blep thoi đe chih khan lê̆ hơdrol boih lăm sơ̆p hla bơar 'Bok Kei-Dei tơpă.

II Tim 3:11

Ih băt boih dôm tơdrong đe pơm kơnê̆ kơ inh, na inh đei tơdrong gleh dang yơ. Ih kư̆m băt boih dôm tơdrong đe pơm kơnê̆ kơ inh tơ Pơlei Antiôs, Pơlei Ikôni păng Pơlei Litrơ. Đe pơm kơnê̆ kơ inh tơpă mă-lei Kră Yang 'Bok Kei-Dei dŏng inh đơ̆ng dôm tơdrong noh.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Tơ'bôh 20:12

Păng inh 'bôh lơlang lơlap kon bơngai đêl lôch iung arih; bơngai pơm tih, bơngai iĕ, đĭ lu sư dơ̆ng 'bơ̆t anăp 'Bok mă oei kơpal tang-dŏ tih krưp ei. Na 'Bok ei tak lăng lu sơ̆p hla bơar tơdrong lu bơngai lôch đêl pơm kơplah sư oei arih sơ̆. Sư kư̆m tak lăng minh sơ̆p hla bơar nai, sơ̆p hla bơar ei đe chih anăn dôm lu bơngai mă wă oei hơdai hăm 'Bok Kei-Dei ling-lang. 'Bok Kei-Dei sek tơlang lu bơngai đơ̆ng lôch, kiơ̆ kơ tơdrong lu sư đêl pơm tơ ala teh, kiơ̆ kơ đe chih 'măn lê̆ dôm tơdrong lu sư đêl pơm noh tơ lăm lu sơ̆p hla bơar ei sơ̆.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.