Jang 26:2 - Sơ̆p Hlabơar Nơ̆r 'Bok Kei-Dei

² “Ơ pơtao Agripa, jơhngơ̆m inh chơt hiôk yua kơ năr âu inh gơh pơma dŏng akâu inh kơdih 'bơ̆t anăp ih, dôm tơdrong lu bơngai Juđê jâu inh âu.

Jang 26:2 Iomraidhean Croise

Horiso 119:46

Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Mathiơ 10:19

Mưh đe rôp iĕm jao kơ lu kră sek tơlang, iĕm 'nĕ mah tơchĕng kơ tơdrong iĕm wă pơma kơ lu sư noh hŏ.

Luka 12:11

“Mưh đe rôp iĕm wă sek tơlang iĕm tơ hnam akŭm đe Juđê, dah pơjao iĕm kơ lu 'bok tih sek tơlang, lei iĕm 'nĕ mah tơchĕng kơ tơdrong iĕm wă pơma dŏng akâu iĕm kơdih 'bơ̆t anăp lu sư hŏ,

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Jang 25:26

Inh kư̆m wă chih tơ'bôh kơ 'bok pơtao tơm Rôm hla kơthơ mơ̆n, mă-lei inh ưh kơ băt chih khan kơ sư Pôl pơm tơdrong kơnê̆ kiơ. Ơ pơtao Agripa, inh athei lu linh chông ba sư tơ âu 'bơ̆t anăp ih, hăm 'bơ̆t anăp đĭ-đăng lu bơ̆n mơ̆n, wă kơ bơ̆n apinh pơma gah tơdrong sư, na ăn kơ bơ̆n wă mă băt gah lu đe wă jâu sư tơdrong kiơ.

Jang 26:1

Na pơtao Agripa khan kơ Pôl: “Dang ei ăn kơ ih gơh pơma dŏng akâu ih kơdih.” Na Pôl yơ̆r ti pơma hloi dŏng kơdih akâu:

Jang 26:19

“Ơ pơtao Agripa, inh pơm kiơ̆ kơ Kră Yang Yêsu athei inh ei.

Jang 26:26

Inh pơma kơ pơtao Agripa ưh kơ đei anat ôh yua kơ sư băt gah tơdrong inh pơma hei. Sư 'bôh păng kơtơ̆ng lu tơdrong noh tơpă yua kơ đe kơtơ̆ng ang lu tơdrong 'noh jơ̆p-jang boih.

Jang 26:3

Jơhngơ̆m inh chơt hiôk yua kơ ih băt đĭ lu tơdrong juăt bơngai Juđê hăm lu tơdrong sư pơjah dih băl, na ih gơh sek tơlang tơpăt tơdrong inh. Na inh apinh ih adrin mơ̆ng inh 'biơ̆ hŏ.

Jang 26:7

Đĭ-đăng mơjĭt-'bar khŭl adrĕch bơngai Juđê bơ̆n chang gô 'Bok Kei-Dei ăn tơdrong Sư pơkă 'noh. Yua kơ thoi noh lu bơ̆n ling-lang oei kơkuh kơ 'Bok Kei-Dei hăm đĭ jơhngơ̆m bơ̆n. Ơ 'bok pơtao, yua kơ inh kư̆m chang gô tơdrong pơkă 'noh mơ̆n, lu bơngai Juđê jâu inh.