Jang 26:18 - Sơ̆p Hlabơar Nơ̆r 'Bok Kei-Dei

¹⁸ Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Jang 26:18 Iomraidhean Croise

Horiso 119:18

Pơih măt inh, wă kơ inh gơh 'bôh dôm tơdrong hlĭch chrơp lăm khôi juăt Ih.

Horiso 146:8

Kră Yang pơih ăn kơ lu bơngai măt tol gơh hơdah. Kră Yang 'bơ̆ tơpăt lu bơngai kơdŭ grŏn, Kră Yang 'mêm kơ lu bơngai tơpăt;

Êsai 29:18

Lăm năr noh lu bơngai klĭk gô kơtơ̆ng dôm nơ̆r đơ̆ng lăm sơ̆p hla bơar; măt lu bơngai tol đơ̆ng lăm măng mu gô lăng 'bôh.

Êsai 32:3

Kơplah noh măt lu bơngai lăng gô 'bôh ưh pă bơbôl, đon lu bơngai kơtơ̆ng gô pơgling mơ̆ng.

Êsai 35:5

Kơplah noh lu bơngai măt tol gô 'bôh, lu bơngai klĭk klot gô kơtơ̆ng.

Êsai 42:16

Inh gô chông lu bơngai măt tol rok trong lu sư ưh kơ biơh năm, dui lu sư rok trong iĕ mă lu sư ưh tam juăt; inh gô tơplih măng mu jing hơdah 'bơ̆t anăp lu sư, Inh gô pơm kơ teh jrŭ đơng jing dơnă. Tơpă inh gô pơm lu tơdrong noh păng ưh kơ achăng tŭk lu sư ôh.

Êsai 42:7

Wă pơih ăn măt lu bơngai tol, tơlĕch lu bơngai đe chĭt lăm hnam phak păng đơ̆ng anih măng mu.

Êsai 43:8

Chông ba bĕ kon pơlei noh, kon pơlei đei ră măt mă-lei tol. Đei ră đon mă-lei klĭk!

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 9:2

Kră Yang ăn kơ kon pơlei âu chek lar rai lơ păng pơthim ăn kơ lu sư chơt hiôk. Rim 'nu chơt hiôk 'bơ̆t anăp Kră Yang, thoi đe chơt hiôk kơ bơyan yuă 'ba, thoi lu bơngai jreo hiôk klah song băl tơmam đơ̆ng blah tơgar iŏk.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

Mathiơ 4:10

Yêsu khan: “Ơ Satan, kơdâu kơ e bĕ. Đe chih tơ lăm sơ̆p hla bơar 'Bok Kei-Dei sơ̆ thoi âu: ‘Bơ̆n athei kơkuh kơ Kră Yang bơ̆n 'Bok Kei-Dei đĕch. 'Bok Kei-Dei ưh kơ wă kơ bơ̆n kơkuh kơ yang nai ôh.’ ”

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Luka 1:77

Na ih gô bơtho lu bơngai mă 'Bok Kei-Dei wei-lăng wă kơ lu sư gơh klaih đơ̆ng tơdrong yoch, wă oei hiôk păng 'Bok Kei-Dei.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Luka 24:47

Na đe gô bơtho đơ̆ng Pơlei Jêrusalem truh tơ jơ̆p kơ teh đak athei đĭ-đăng khŭl bơngai tơbral kơdih tơdrong yoch na 'Bok Kei-Dei gô pơklaih yoch lu sư, yua kơ Inh lôch tang lu sư.

Luka 4:18

“Yang Bơhngol 'Lơ̆ng 'Bok Kei-Dei oei hơdai Inh. Sư rơih Inh wă năm bơtho ăn tơdrong 'nao 'lơ̆ng kơ lu bơngai dơnuh hin păng pơlung lu bơngai ơh sơ'ngon. Sư wơh Inh roi tơdrong Sư wă tơlĕch lu bơngai đe phak, păng pơklaih lu bơngai măt tol. Sư wơh Inh pơklaih lu bơngai mă đe pơjuă pơđep,

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 4:14

Bơngai bu nhă đak đơ̆ng Inh ăn, kơnh sư huay pă rơhing boih. Đak mă Inh ăn kơ sư thoi lĕ đak mơlĕch, sư ro jur suŏn lăm to bơngai mă nhă 'noh, pơm kơ bơngai noh gơh arih ling-lang.”

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Yo 9:39

Yêsu khan: “Inh jur tơ ala teh âu wă sek tơlang kon bơngai wă kơ dôm lu bơngai ưh kơ hlôh tơdrong 'Bok Kei-Dei, lu sư dang măt tol, gô hlôh; păng dôm lu bơngai khan sư hlôh mă-lei ưh kơ lui kơ Inh, na ăn lu sư jing ưh kơ hlôh dơ̆ng. Lu bơngai ei boih dang măt tol tơpă.”

Yo 9:5

Kơplah Inh oei ala teh âu Inh dang măt 'năr pơchrang hơdah tơ teh âu wă kơ kon bơngai băt tơdrong 'Bok Kei-Dei.”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

Jang 20:32

“Na dang ei inh apinh 'Bok Kei-Dei wei-lăng lu iĕm. Iĕm pơhrăm Tơdrong 'Nao 'Lơ̆ng sư na iĕm gô lui kơ Sư kơjăp. 'Bok Kei-Dei gô ăn kơ iĕm đei jơhngơ̆m pran, hăm Sư kư̆m ăn kơ iĕm dôm tơdrong hiôk 'lơ̆ng kư̆m thoi Sư ăn kơ đĭ-đăng bơngai mă Sư jô̆ 'lơ̆ng tơpăt.

Jang 26:19

“Ơ pơtao Agripa, inh pơm kiơ̆ kơ Kră Yang Yêsu athei inh ei.

Jang 26:23

Đơ̆ng sơ̆ sư bơtho khan 'Bok Krist khŏm đei tơdrong pơmat na lôch, klaih kơ noh iung arih đơ̆ng lôch hơdrol kơ lu bơ̆n. Na 'Bok Krist bơtho khan kơ lu bơngai Juđê hăm lu bơngai nai khan, dah lui kơ Sư na lu sư gơh klaih đơ̆ng tơdrong yoch.”

Jang 3:19

Dang ei iĕm athei tơbral, wih tơ 'Bok Kei-Dei dơ̆ng, na 'Bok Kei-Dei gô pơklaih yoch iĕm păng ăn kơ iĕm hiôk chơt;

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Rom 8:17

Pơtih gia kơ 'bă pơjing bơ̆n tơ ala teh âu, sư đei mŭk tơmam sư 'măn lê̆ kơ bơ̆n yua kơ bơ̆n kon sư. Na 'Bă bơ̆n tơ plĕnh ti Sư kư̆m lei-lăi. Sư ăn kơ bơ̆n tơdrong hiôk 'lơ̆ng yua kơ bơ̆n jing kon Sư, kư̆m thoi Sư ăn kơ Kon Sư Yêsu Krist. Mă tơdrong gleh truh kơ bơ̆n kư̆m bưh, noh kư̆m thoi Yêsu sơ̆, ning-mônh bơ̆n gô oei hơdai hăm Yêsu hiôk dêh.

I Kor 1:2

chih hơpong kơ lu 'nhŏng oh bơngai lui tơ pơlei iĕm Kôrintô. 'Bok Kei-Dei rơih iŏk iĕm jing kon Sư, iĕm jing bơngai tơpăt yua kơ iĕm lui kơ Yêsu Krist, noh kư̆m thoi lĕ đĭ-đăng bơngai mă krao khan kơ Yŏng bơ̆n Yêsu Krist jơ̆p kơ anih; Sư Kră Yang đĭ-đăng kơ bơ̆n.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 6:14

Iĕm 'nĕ kơ tôi 'long ăt hơdai hăm lu bơngai ưh kơ lui, yua kơ tơdrong 'lơ̆ng hăm tơdrong kơnê̆ ưh kơ gơh pơgơ̆p băl ôh; tơdrong hơdah hăm măng mu kư̆m lei-lăi ưh kơ gơh tơ jê̆ băl.

Galati 2:20

Inh dang lĕ lôch hơdai hăm Yêsu Krist tơ 'long pơglang sơ̆ boih yua kơ akâu inh kơdih ưh kơ gơh pơm minh tơdrong kiơ ôh. Na dang ei inh ưh pă gơnang kơ akâu inh kơdih boih, inh gơnang kơ Yêsu Krist mă arih lăm akâu inh, lê̆ kơ Sư chă dui ba inh kiơ̆ kơ tơdrong Sư wă. Inh gơnang kơ Sư yua kơ Sư Kon 'Bok Kei-Dei tơpă, Sư 'mêm mơnat kơ inh mah ăn akâu Sư kơdih lôch tang inh.

Galati 3:14

Yêsu huai iŏk bơ̆n boih, na mă 'Bok Kei-Dei tơgŭm kơ đĭ-đăng kơ bơ̆n, mă bơngai Juđê, mă bơngai ưh kơ sĭ khŭl Juđê, noh kư̆m thoi Sư pơkă kơ Abraham bơ̆n sơ̆ khan wă tơgŭm bơ̆n, wă khan ăn kơ bơ̆n Yang Bơhngol 'Lơ̆ng dah bu lui păng gơnang kơ Sư.

Galati 3:2

Inh đei tơdrong kăl wă jet iĕm: 'Bok Kei-Dei ăn kơ iĕm Yang Bơhngol 'Lơ̆ng Sư sơ̆, yua kơ iĕm kiơ̆ tơdrong juăt Môis hă? Dah yua kơ iĕm lui kơ Yêsu Krist?

Êphêsô 1:11

'Bok Kei-Dei pơm tôm tơdrong kiơ̆ thoi Sư đêl pơkă lê̆ boih, na tơdrong Sư ăn Yêsu lôch tang bơ̆n, hăm rơih iŏk wă kơ bơ̆n jing kon Sư, noh Sư pơkă lê̆ đơ̆ng blŭng-a sơ̆ boih.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

Êphêsô 4:18

đon lu sư ưh kơ hlôh. Lu sư ataih đơ̆ng tơdrong arih 'Bok Kei-Dei ăn kơ lu iĕm, yua kơ lu sư kơtul jing arăng kơ̆l.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Êphêsô 5:14

Tơdrong noh thoi đe juăt kơ khan: “Ơ bơngai tep dang lĕ kơ lôch, iung bĕ, na 'Bok Krist gô pơchrang hơdah ăn kơ iĕm.”

Êphêsô 5:8

Yua kơ dang ei iĕm ưh pă oei lăm măng mu thoi lu bơngai noh boih, iĕm oei lăm hơdah Kră Yang Yêsu Krist pơchrang ăn. Thoi noh na iĕm athei oei kiơ̆ kơ tơdrong hơdah Sư noh.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

II Tim 2:26

Sư đei đon 'lơ̆ng boih păng gơh jăk đơ̆ng yang Satan. Sơ̆ yang Satan oei pơkơ̆ng sư lăm tơdrong sư wă.

Hêbrơ 10:10

Thoi noh bơ̆n băt kơ Yêsu Krist jang trŏ thoi 'Bok Kei-Dei pơkă tơpă, Sư soi akâu Sư kơ 'Bok Kei-Dei minh 'măng sơ̆ tôm boih, na lu bơ̆n dang ei jing bơngai 'lơ̆ng tơpăt yua kơ Sư.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

Hêbrơ 9:15

Thoi noh bơ̆n băt lăp pôm Yêsu đĕch boih gơh pơm 'long sơlam kơ bơ̆n kiơ̆ tơdrong pơgơ̆p 'nao, wă kơ đĭ-đăng lu bơ̆n bơngai mă 'Bok Kei-Dei krao iŏk, gô đei tơdrong Sư pơkă wă ăn kơ bơ̆n ning-mônh ei. Dôm lu bơngai noh gơh klaih đơ̆ng tơdrong yoch đêl kiơ̆ tơdrong pơgơ̆p so, yua kơ Yêsu lôch huai iŏk sư.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 1:4

Tôm tơdrong noh Sư hơmet ăn kơ bơ̆n tơ plĕnh boih, na tôm tơdrong noh ưh kơ đei layơ hiong răm bŭk ôm ôh.

I Pet 2:25

Sơ̆ bơ̆n thoi triu jrok trong hiong tơ bri brah, mă-lei dang ei bơ̆n băt kơ trong brŏk tơ Yêsu Krist tơ'ngla wei bơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Yo 1:9

'Bok Kei-Dei pơm trŏ thoi Sư pơkă, Sư pơm tơpăt ling-lang. Kơlih kơ thoi noh na bơ̆n dah roi tơdrong yoch bơ̆n kơ Sư, na Sư gô pơklaih bơ̆n đơ̆ng tơdrong yoch tơpă păng 'nhao jơhngơ̆m bơ̆n đơ̆ng dôm tơdrong kơnê̆.

I Yo 2:12

Ơ lu kon hơ'lơ̆p, inh chih ăn kơ iĕm kơthơ âu kơlih kơ iĕm klaih đơ̆ng tơdrong yoch yua kơ Yêsu lôch tang bơ̆n.

I Yo 3:8

Bơngai bu oei pơm yoch khŏm khŏm, bơngai 'noh oei kiơ̆ yang Satan đĕch, kơlih kơ yang Satan pơm yoch đơ̆ng tơm hmơm sơ̆. Kon 'Bok Kei-Dei jur tơ ala teh âu sơ̆ wă pơrăm dôm tơdrong yang Satan pơm.

I Yo 5:19

Păng bơ̆n kư̆m băt bơ̆n kon 'Bok Kei-Dei boih păng bơ̆n băt đĭ-đăng dôm lu bơngai mă lĕch đơ̆ng ala teh âu mă ưh kơ lui kơ Kon Sư, yang Satan pơgơ̆r lu sư.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.