Jang 26:16 - Sơ̆p Hlabơar Nơ̆r 'Bok Kei-Dei

¹⁶ Ih iung wăi. Inh năm tơ ih wă kơ ih jang tơdrong Inh. Ih athei roi kơ đe tơdrong ih 'bôh Inh năr âu boih. Ih gô 'bôh Inh dơ̆ng hăm kư̆m roi tơdrong ih 'bôh Inh hăm dôm tơdrong Inh tơbăt ăn kơ ih.

Jang 26:16 Iomraidhean Croise

Êsêkiên 2:1

Kră Yang khan kơ inh: “Ơ kon bơngai, dơ̆ng bĕ 'bơ̆t jơ̆ng ih, Inh gô khan kơ ih.

Da 10:11

Đơ̆ng noh, bơngai noh khan kơ inh thoi âu: Ơ Đaniel, bơngai mă Kră Yang 'Bok Kei-Dei 'mêm kơeng tơpă, ih athei băt hlôh bĕ nơ̆r mă inh đei pơma hăm ih. Kơplah đei bơngai pơma kơ inh nơ̆r ei, inh iung păng hli tơtơ̆.

Luka 1:2

Lu sư chih dôm tơdrong bơ̆n kơtơ̆ng đơ̆ng lu bơngai mă 'bôh tôm tơdrong Yêsu đơ̆ng tơm hmơm sơ̆, khơ̆ Sư tŏk tơ plĕnh. Lu bơngai 'bôh tơdrong Yêsu sơ̆ sư ră roi tơdrong noh kơ bơ̆n.

Jang 1:17

Juđa sơ̆ oei păng bơ̆n, jang hơdai păng bơ̆n.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Jang 21:19

Pôl kơkuh kơ lu sư păng ră roi kơ lu sư dôm tơdrong 'Bok Kei-Dei tơgŭm lu bơngai tơmoi mă ưh kơ khŭl Juđê kơlih kơ tơdrong jang Pôl.

Jang 22:10

Na inh jet Yêsu: ‘Ơ Kră Yang, Ih wă kơ inh pơm kiơ dang ei?’ Kră Yang Yêsu khan kơ inh thoi âu: ‘Ih iung bĕ, năm tơ Pơlei Đamas. Tơ ei đe gô khan kơ ih, Inh wă ăn kơ ih jang tơdrong kiơ kơnh.’

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 26:15

Inh apinh Sư: ‘Ơ 'Bok, anăn Ih bu?’ Na Kră Yang Yêsu khan: ‘Inh Yêsu mă ih areh kơ Inh.

Jang 6:4

Na nhôn krao khan păng bơtho tơdrong 'Bok Kei-Dei đĕch.”

Rom 1:5

Na Kră Yang Yêsu Krist mơnat kơ inh, ăn kơ inh pơm jơ̆ng 'bang Sư, wă kơ inh năm bơtho kơ đĭ-đăng khŭl bơngai jơ̆p kơ teh đak, wă kơ đĭ-đăng bơngai lui kơ Sư păng ư-ang kơ Sư ling-lang.

Rom 15:16

Sư wơh inh jang tơdrong Yêsu, bơtho tơdrong 'nao 'lơ̆ng 'Bok Kei-Dei kơ đĭ-đăng lu khŭl tơmoi mă ưh kơ khŭl Juđê, wă kơ lu bơngai noh jing bơngai 'nao 'lơ̆ng tơpăt hăm 'Bok Kei-Dei. 'Noh wă khan dang inh pơyơ̆r lu sư kơ 'Bok Kei-Dei, na 'Bok Kei-Dei sơng iŏk lu sư, yua kơ Yang Bơhngol 'Lơ̆ng ăn kơ lu sư jing bơngai 'nao rơgoh 'lơ̆ng boih.

II Kor 4:1

Nhôn jang tơdrong tih rŏ âu yua kơ 'Bok Kei-Dei mơnat đĕch. Thoi noh na nhôn wă jang ling-lang ưh kơ lê̆ ôh.

II Kor 5:18

Tơdrong noh 'Bok Kei-Dei pơm kơ bơ̆n, Sư athei Yêsu Krist pơgơ̆p bơ̆n jing bơngai 'lơ̆ng hăm Sư dơ̆ng. Na dang ei Sư wă kơ nhôn krao tơwih iĕm đe jing bơngai 'lơ̆ng hăm Sư.

Galati 1:12

Kon bơngai ưh kơ đei bơtho inh tơdrong noh, pôm Yêsu Krist đĕch tơbăt kơ inh tơdrong 'nao 'lơ̆ng Sư.

Galati 2:2

Inh năm tơ Pơlei Jêrusalem yua kơ 'Bok Kei-Dei athei inh năm. Inh akŭm păng lu bơngai pơm tih pơgơ̆r bơngai lui, wă roi kơ lu sư tơdrong 'nao 'lơ̆ng inh bơtho kơ lu bơngai mă ưh kơ khŭl Juđê. Nhôn akŭm kơdrô̆ nhôn đĕch. Inh roi kơ lu sư nhên gah tơdrong inh bơtho wă kơ lu sư băt dôm tơdrong inh bơtho noh, jĭ minh tơdrong trŏ tơpă. Dah inh ưh kơ roi kơ lu sư, lei inh hli kơ lu sư jô̆ kơ inh bơtho tơdrong ưh kơ tơpă. Mă-lei lu sư ưh kơ đei jô̆ kơ tơdrong jang inh khan tơdrong jang ưh kơ tơpă, lu sư ưh kơ đei khan thoi noh ôh.

Êphêsô 3:3

Sư tơbăt ăn kơ inh tơdrong mă đe ưh tam mă băt đơ̆ng sơ̆, tơdrong mă inh chih roi tơ kơpal 'noh hei.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Kôlôsê 1:25

'Bok Kei-Dei wă kơ inh jang tơgŭm lu bơngai khŭl nai lui kơ Sư wă khan lu iĕm âu boih; păng Sư wă kơ inh bơtho tơbăt kơ đe tơdrong Sư jơ̆p-jang kơ anih.

Kôlôsê 1:7

Iĕm kơtơ̆ng tơdrong noh đơ̆ng Êpapra bơtho iĕm sơ̆, tơdrong sư bơtho trŏ tơpă. Sư bơngai jang tơdrong Yêsu Krist hăm nhôn, nhôn 'mêm kơ sư tơpă; sư jang tang inh oei hơdai hăm iĕm tơ noh.

I Tim 1:12

Inh bơnê kơ Kră Yang bơ̆n Yêsu Krist yua kơ Sư ăn kơ jơhngơ̆m inh pran kơtang jang tơdrong Sư. Păng inh bơnê kơ Sư tơchĕng đon Sư khan inh trŏ bơngai gơh jang tơdrong Sư, na Sư rơih iŏk inh jang kơ Sư hloi.

I Tim 4:6

Dah ih bơtho lu bơngai lui tơdrong Yêsu Krist kiơ̆ thoi inh pơkă, lei đe băt kơ tơdrong jang ih âu 'lơ̆ng dêh păng đe băt kơ ih lui kơjăp tơdrong 'Bok Kei-Dei khŏm khŏm kư̆m thoi ih lui đơ̆ng blŭng sơ̆ khơ̆ dang ei.

II Tim 4:5

Mă-lei ih athei đei jơhngơ̆m chơ̆n lăm tôm tơdrong. Mă pơmat ih kư̆ adrin 'nĕ hŭt tơdrong pơm đon 'lơ̆ng tơpăt, bơtho tơdrong 'nao 'lơ̆ng Kră Yang Yêsu Krist ling-lang, adrin jang tôm tơdrong 'Bok Kei-Dei.