Jang 26:13 - Sơ̆p Hlabơar Nơ̆r 'Bok Kei-Dei

¹³ Ơ 'bok pơtao, hơtai ei lăp truh 'năr dơ̆ng, inh oei năm rok trong inh 'bôh hloi ŭnh pơchrang hơdah đơ̆ng plĕnh, pơchrang tăp dăr kơ inh hăm lu bơngai năm hơdai hăm inh. Ŭnh ei mơnhal hloh kơ măt 'năr.

Jang 26:13 Iomraidhean Croise

Êsai 24:23

Măt khei gô ưh pă hơđơ̆ng, măt 'năr gô kơdơ̆, Kră Yang Tih Hloh gô pơgơ̆r kơpal kông Siôn, tơ pơlei Jêrusalem păng tơdrong ư-ang rang mơnhal sư gô pơdah 'bơ̆t anăp lu đe kră.

Êsai 30:26

Măt khei gô hơdah rang nhen hơdah măt 'năr păng tơdrong hơdah măt 'năr gô hơdah hloh tơpơh wơ̆t, thoi tơdrong hơdah kơ tơpơh năr, lăm năr Kră Yang ming rơka jĭ kon pơlei Sư păng ming hơmet pơklaih đêl rơka Sư teh.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Jang 22:6

“Lăp 'năr dơ̆ng, hơtai inh oei năm rok trong wă jê̆ truh tơ Pơlei Đamas boih inh 'bôh hloi ŭnh pơchrang rang hơdah tơpă, đơ̆ng plĕnh pơchrang tăp dăr kơ inh.

Jang 22:9

Lu bơngai năm hơdai hăm inh hơtai ei, sư 'bôh gah ŭnh pơchrang hơdah đĕch, gah nơ̆r Yêsu pơma kơ inh lu sư ưh kơtơ̆ng ôh.

Jang 26:12

“Thoi noh lu 'bok soi tih ăn kơ inh hla bơar phep chă năm tơ Pơlei Đamas chă pơrăm pơm kơnê̆ kơ lu bơngai lui kơ Yêsu tơ ei.

Jang 26:14

Klaih kơ noh nhôn huŏng hơtat hloi đơ̆ng kơdŭ aseh hăm inh kơtơ̆ng hloi nơ̆r đơ̆ng plĕnh pơma thoi âu, nơ̆r Juđê: ‘Ơ Sôl, Inh pơm kiơ kơ ih, na ih pơm kơnê̆ kơ Inh? Ih pơm kơnê̆ kơ Inh na ih đei tơdrong pơrăm kơdih akâu thoi lĕ kơ rơmo ưh kơ chu, na sư kơtong 'bơm 'long sơnguĕt suĕng tơ'ngla sư puh sư.’

Jang 9:3

Kơplah Sôl oei yak rok trong wă jê̆ truh tơ Pơlei Đamas, sư 'bôh hloi ŭnh đơ̆ng plĕnh pơchrang tăp dăr kơ sư.

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.