Jang 26:11 - Sơ̆p Hlabơar Nơ̆r 'Bok Kei-Dei

¹¹ Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 26:11 Iomraidhean Croise

Horiso 102:8

Prăt năr lu bơngai ayăt pơ'brơh kơ inh; Lu bơngai pơrăm inh yua anăn inh blei hiap.

Bôk Bơthô 9:3

Tơdrong mă sơ'ngon dêh lăm ala teh âu, đĭ-đăng bơngai tă kơ lei-lăi ngăl. Mă loi lu bơngai đei, jơhngơ̆m 'bĕnh kơ tơdrong kơnê̆ păng kơplah lu sư oei arih ưh kơ băt tơchĕng, kiơ̆ kơtul kơwao tuch-luch đĭ-đăng gô lôch ngăl.

Mathiơ 10:17

Iĕm athei kơchăng, yua kơ đe gô rôp iĕm jao kơ lu kră sek tơlang păng tôn teh iĕm tơ hnam akŭm đe Juđê.

Markôs 13:9

“Păng iĕm athei kơchăng kơdih yua kơ đe gô rôp iĕm jao kơ lu kră sek tơlang. Đe gô tôn teh iĕm tơ lăm hnam akŭm đe Juđê. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh, na iĕm kư̆m gơh ră roi kơ lu sư băt kơ inh.

Markôs 3:28

“Inh khan kơ iĕm tơpă, mă dôm tơdrong yoch, mă dôm 'măng pơjăm 'Bok Kei-Dei, dah bơ̆n apinh Sư 'nĕ jô̆ yo, 'Bok Kei-Dei kư̆m huay kơ jô̆ yo ôh, Sư oei tơgŭm pơklaih đĕch.

Luka 15:17

“Thoi noh sư 'blŏk hơdơ̆r, na sư khan: ‘Lu bơngai jang kơ 'bă inh đei sŏng sa phĭ rơkah rơkai, mă-lei inh 'nâu wă lôch ngôi kơ rơwĕt.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Luka 6:11

Na lu 'bok thây păng lu bơngai Pharisi ei areh tơpă kơ Yêsu păng pơđâu chă tơdrong wă pơm kơ Yêsu.

Jang 13:45

Lăp đe Juđê 'bôh lơ bơngai năm akŭm tơpă, lu sư 'nhĕng. Lu sư pơjăm Pôl păng che bơle kơ sư, jâu sư khan bơngai kơnê̆.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Jang 22:19

Inh khan kơ Sư: ‘Ơ Kră Yang, inh tơchĕng lu sư kư̆m wă lui mơ̆n yua kơ lu sư băt boih kơ inh năm jơ̆p-jang tơ lu hnam akŭm sơ̆ rôp tah lu bơngai lui kơ Ih lăm hnam phak hăm teh lu sư.

Jang 22:5

'Bok soi tơm hăm lu bơngai kră sek tơlang, lu kră pơgơ̆r bơngai Juđê băt kơ inh pơm thoi noh tơpă sơ̆. Lu sư boih chih ăn kơ inh kơthơ wă pơtruh kơ lu 'nhŏng oh bơngai Juđê tơ Pơlei Đamas. Na inh năm tơ Pơlei Đamas wă rôp lu bơngai lui kơ Yêsu, chô̆ lu sư chông ba năm tơ Pơlei Jêrusalem wă phak lu sư.

Jang 9:1

Sôl sư oei kơnam wă pơlôch lu bơngai lui kơ Kră Yang Yêsu. Sư năm apinh tơ 'bok soi tơm pơm ăn kơ sư hla bơar wă kơ gơh rôp lu bơngai lui. Na 'bok soi pơm ăn kơ Sôl hla bơar gơh năm rôp đe tơ rim hnam akŭm đe Juđê tơ Pơlei Đamas, anhăk tơ Pơlei Jêrusalem dôm lu bơngai lui kiơ̆ Yêsu mă drŏ-nglo mă drŏ-kăn.

Ya 2:7

Lu sư kư̆m pơma kơnê̆ kơ Yêsu Krist Kră Yang bơ̆n mă 'lơ̆ng tơpăt.

II Pet 2:16

Mă-lei đei nơ̆r pơma pơgăn tơdrong sư wă pơm. Aseh iĕ sư kon sem brem mă gơh pơma nơ̆r kon bơngai, pơma khă tơdrong sư wă pơm dang lĕ kơ tơdrong bơngai wơnh.