Jang 26:10 - Sơ̆p Hlabơar Nơ̆r 'Bok Kei-Dei

¹⁰ Inh kư̆m pơm thoi noh tơpă tơ Pơlei Jêrusalem. Lu 'bok soi tih ăn kơ inh năm rôp tah lê̆ lơ lu bơngai mă lui kơ Yêsu lăm hnam phak. Lăp đe khan wă pơlôch lu sư, inh kư̆m wă mơ̆n.

Jang 26:10 Iomraidhean Croise

Horiso 16:3

Lu bơngai 'lơ̆ng rơgoh kơpal teh păng lu bơngai đe pơyom. Lăm lu sư inh đei chơt hiôk.

Jang 7:58

păng tơluh rôp anhăk Êtien tơ jih pơlei wă klơ̆m sư păng tơmo. Na lu bơngai hơlĕnh kơ sư hei plôh ao lu sư kơdih, 'măn 'bơ̆t jơ̆ng Sôl, sư bơngai oei tơdăm.

Jang 8:1

Đơ̆ng rŏng kơ đe pơlôch Êtien ei, lu bơngai ưh kơ lui pơm lơ tơdrong kơnê̆ kơ lu bơngai lui kiơ̆ kơ Yêsu tơ Pơlei Jêrusalem. Na đĭ-đăng lu bơngai lui ei jăk tơklah tơklang jơ̆p-jang kơ dêh Juđê păng dêh Samari. Pôm lu jơ̆ng 'bang Yêsu đĕch ưh kơ jăk.

Jang 8:3

Mă-lei Sôl pơm kơnê̆ kơ lu bơngai lui wă kơ lu sư hiong răm. Sư năm jơ̆p jơ̆p mơ̆t tơ hnam đe, rôp lu bơngai lui kơ Yêsu, bơngai drŏ-nglo drŏ-kăn, tah hloi lu sư lăm hnam phak.

Jang 9:21

Đĭ-đăng bơngai kơtơ̆ng sư sơleng kơ đon păng khan: “Hăm trŏ 'bok âu dah kiơ pơm răm kơ lu bơngai lui kơ Yêsu tơ Pơlei Jêrusalem ki? Sư kư̆m khan wă năm tơ âu rôp bơngai lui kơ Yêsu ăn kơ lu 'bok soi tih dơ̆ng.”

Jang 9:26

Sôl năm truh tơ Pơlei Jêrusalem boih, sư wă akŭm kơkuh kơ 'Bok Kei-Dei hơdai lu bơngai lui kơ Yêsu. Mă-lei lu đe noh hli kơ Sôl. Lu sư ưh kơ lui kơ Sôl kiơ̆ Yêsu boih.

Jang 9:32

Pêtrôs năm akŭm jơ̆p pơlei, sư kư̆m năm hơpong tơ lu bơngai lui tơ Pơlei Liđa.

Jang 9:41

Đơ̆ng noh Pêtrôs rôp ti sư tơiung sư hloi. Klaih kơ noh Pêtrôs krao đe yă adro păng lu bơngai lui, tơ'bôh kơ lu sư yă Đêka iung arih boih.

I Kor 15:9

yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

Galati 1:13

Iĕm kơtơ̆ng boih tơdrong arih inh thoi yơ sơ̆. Kơplah noh sơ̆ inh kiơ̆ tơdrong lu bơngai Juđê. Inh pơm kơnê̆ tơpă kơ lu bơngai lui kơ Kră Yang Yêsu Krist wă kơ tơdrong lui lu sư jah tôch.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Tơdrông Tơ'bôh 17:6

Păng inh 'bôh sư suai kơ pham lu bơngai lui, lu bơngai năm ră roi tơdrong Kră Yang Yêsu. Inh 'bôh bơngai drŏ-kăn noh inh sơleng kơ đon, ưh kơ hlôh tơdrong kiơ.