Jang 25:8 - Sơ̆p Hlabơar Nơ̆r 'Bok Kei-Dei

⁸ Na Pôl pơma dŏng kơdih akâu thoi âu: “Inh ưh kơ pơm kơnê̆ kơ tơdrong juăt bơngai Juđê dah hnam akŭm 'Bok Kei-Dei tơm, dah lăm 'bok pơtao tơm Rôm ôh.”

Jang 25:8 Iomraidhean Croise

Bl 40:15

Yua kơ đe rôp ba inh đơ̆ng bơngai Hêbrơ păng tơ âu inh ưh kơ đei pơm yoch kiơ, mă-lei đe kư̆m tah inh lăm hnam pơmat 'nâu.

Je 37:18

Đơ̆ng noh Jêrêmi khan kơ pơtao Sêđekia: “Inh hăm đei pơm glăi hăm ih, hăm lu kră pơgơ̆r, dah hăm kon pơlei âu, na ih mah rôp tah inh tơ lăm hnam phak?

Da 6:22

Kră Yang 'Bok Kei-Dei inh đei wơh Linh jang Sư chĭt lê̆ 'bơ̆r lu dăm-brang, thoi ei na lu sư ưh kơ gơh pơrăm inh, yua kơ inh khan boih, inh ưh kơ đei pơm yoch kiơ 'bơ̆t anăp sư, ơ pơtao, mă hăm ih kư̆m lei-lăi inh ưh kơ đei pơm yoch kiơ.

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Jang 24:12

Na lu bơngai Juđê ưh kơ 'bôh inh pơjah hăm bu ôh. Lu sư ưh kơ 'bôh inh pơhlŭ kon pơlei pơla tơhil băl lăm hnam akŭm 'Bok Kei-Dei tơm ôh, dah lăm lu hnam akŭm nai, dah lăm anih nai dơ̆ng lăm pơlei lei-lăi mơ̆n.

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 24:6

Sư kư̆m wă pơm kơnê̆ ră kơ hnam akŭm 'Bok Kei-Dei tơm, mă-lei nhôn rôp sư. Nhôn wă sek tơlang sư kiơ̆ kơ tơdrong juăt nhôn kơdih ră;

Jang 25:10

Pôl khan: “Dang ei inh dơ̆ng 'bơ̆t anăp ih, ih sek tơlang kiơ̆ kơ tơdrong juăt 'bok pơtao tơm Rôm. Ih sek tơdrong inh tơ âu trŏ boih. Ih kư̆m băt mơ̆n inh ưh kơ pơm kơnê̆ kơ lu bơngai Juđê.

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Jang 28:21

Lu bơngai Juđê khan kơ Pôl: “Nhôn ưh kơ đei 'bôh hla kơthơ đơ̆ng dêh char Juđê roi gah tơdrong ih ôh. Lăm lu 'nhŏng oh nhôn đơ̆ng dêh char Juđê ưh kơ đei bơngai bu năm tơ âu roi tơdrong ih, khan ih pơm tơdrong kơnê̆.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.