Jang 25:6 - Sơ̆p Hlabơar Nơ̆r 'Bok Kei-Dei

⁶ Phêtus oei tơ Pơlei Jêrusalem oei pă tơsĭn mơjĭt năr dơ̆ng. Klaih kơ noh sư brŏk tơ Pơlei Sêsarê dơ̆ng. Lu kră bơngai Juđê kư̆m kiơ̆ sư mơ̆n. Na năr dơning lu sư mơ̆t tơ hnam sek tơlang tơ Pơlei Sêsarê, na Phêtus athei lu linh chông ba Pôl mơ̆t tơ lăm hnam sek tơlang ei.

Jang 25:6 Iomraidhean Croise

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Yo 19:13

Pilat kơtơ̆ng lu sư pơma thoi noh, sư năm ba Yêsu tơ 'ngoaih. Pilat tơoei 'bơ̆t tang-dŏ sek tơlang tơ lăm cham đe krao cham lơ̆k tơmo. Nơ̆r Juđê khan Gabatha.

Jang 25:1

Pêng năr đơ̆ng rŏng kơ Phêtus truh tơ dêh char ei wă pơm kuan tih, sư năm đơ̆ng Pơlei Sêsarê truh tơ Pơlei Jêrusalem.

Jang 25:10

Pôl khan: “Dang ei inh dơ̆ng 'bơ̆t anăp ih, ih sek tơlang kiơ̆ kơ tơdrong juăt 'bok pơtao tơm Rôm. Ih sek tơdrong inh tơ âu trŏ boih. Ih kư̆m băt mơ̆n inh ưh kơ pơm kơnê̆ kơ lu bơngai Juđê.

Jang 25:17

Na lăp lu bơngai Juđê năm truh tơ âu inh wă sek tơlang tơdrong sư âu hloi. Na năr dơning dơ̆ng inh năm hloi tơ hnam sek tơlang hăm athei lu linh chông ba Pôl tơ lăm ei.

Jang 25:4

Phêtus khan kơ lu sư: “Nhôn tah Pôl tơ hnam phak tơ Pơlei Sêsarê. Mă inh kư̆m ưh kơ mah đunh mơ̆n oei tơ âu; inh kư̆m dah wă brŏk tơ Pơlei Sêsarê.

Jang 25:5

Tơdah sư pơm tơdrong kơnê̆ tơpă lei na lu kră pơgơ̆r iĕm gơh năm hơdai hăm inh tơ Pơlei Sêsarê, na pơma jet sư tơ ei dơ̆ng.”

Jang 8:40

Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.