Jang 25:25 - Sơ̆p Hlabơar Nơ̆r 'Bok Kei-Dei

²⁵ Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 25:25 Iomraidhean Croise

Je 26:16

Lu kră pơgơ̆r păng đĭ kon pơlei pơla khan hloi kơ 'bok soi hăm 'bok khan lê̆ adrol: “Ưh kơ gơh pơlôch bơngai âu, yua kơ sư yua anăn Kră Yang, 'Bok Kei-Dei bơ̆n roi tơbăt kơ bơ̆n.”

Luka 23:14

Na Pilat khan kơ lu đe noh thoi âu: “Iĕm anhăk bơngai âu tơ inh hei, iĕm pơtă kơ Sư khan Sư pơchŭt lu kon tơring tơrang pơm ưh kơ lăp. Mă-lei inh sek tơlang Sư 'bơ̆t anăp lu iĕm hei inh ưh kơ 'bôh Sư pơm tơdrong yoch kiơ ôh gah tơdrong iĕm ată kơ Sư noh.

Luka 23:4

Na Pilat khan kơ lu 'bok soi tih păng đĭ-đăng lu bơngai tơpôl oei kiơ̆ ei: “Inh 'bôh bơngai 'nâu ưh kơ đei tơdrong yoch kiơ ôh.”

Yo 18:38

Pilat khan: “Tơdrong kiơ khan tơdrong tơpăt?” Pilat lĕch hloi khan kơ lu bơngai Juđê: “Inh 'bôh bơngai 'nâu ưh kơ đei tơdrong yoch kiơ ôh.

Jang 23:29

Mă-lei inh 'bôh sư ưh kơ đei tơdrong wă pơlôch dah tah sư lăm hnam phak ôh. Lu bơngai Juđê jâu sư gah tơdrong juăt lu sư đĕch.

Jang 23:9

Lu sư pơma re đơđơu đơđao mao. Đei lu 'bok thây bơtho tơdrong juăt Juđê khŭl Pharisi, lu sư wă kơ jei sư na sư iung pơma dŏng Pôl khan hloi thoi âu: “Bơngai âu ưh kơ đei pơm tơdrong kiơ ôh. Rŏ lăng sư đei linh jang 'lơ̆ng pơma khan kơ sư kơlĕ.”

Jang 25:26

Inh kư̆m wă chih tơ'bôh kơ 'bok pơtao tơm Rôm hla kơthơ mơ̆n, mă-lei inh ưh kơ băt chih khan kơ sư Pôl pơm tơdrong kơnê̆ kiơ. Ơ pơtao Agripa, inh athei lu linh chông ba sư tơ âu 'bơ̆t anăp ih, hăm 'bơ̆t anăp đĭ-đăng lu bơ̆n mơ̆n, wă kơ bơ̆n apinh pơma gah tơdrong sư, na ăn kơ bơ̆n wă mă băt gah lu đe wă jâu sư tơdrong kiơ.

Jang 27:1

Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 28:18

Lu bơngai Rôm sek tơlang tơdrong inh khan ưh kơ đei tơdrong kiơ ôh. Na lu sư ưh kơ gơh pơlôch inh. Na lu sư wă tơlĕch inh đĕch.