Jang 25:23 - Sơ̆p Hlabơar Nơ̆r 'Bok Kei-Dei

²³ Na năr dơning pơtao Agripa hăm yă Bêrênis yak pơyơh akâu kư̆m wang năm mơ̆t tơ hnam đe juăt kơ akŭm. Lu 'bok tih linh hăm lu bơngai pơm tih mơdrŏng lăm Pơlei Sêsarê ei kư̆m mơ̆t lăm hnam ei mơ̆n. Na Phêtus athei lu linh chông ba Pôl mơ̆t tơ lăm ei.

Jang 25:23 Iomraidhean Croise

Esther 1:4

Lăm đunh năr wă khan minh-hrĕng tơhngam-jĭt năr, sư pơdah tơdrong 'lơ̆ng rŏ hơbŏ sor sư.

Bôk Bơthô 1:2

'Bok mă bơtho noh khan: “Đĭ-đăng dôm tơdrong ưh kơ yua kiơ̆ hloi, tơdrong kơđei ngăl. Ưh kơ đei bu kĕ hlôh tôm tơdrong lăm chăl arih bơ̆n.”

Êsai 14:11

Tơdrong pơrŏ ih păng re brŏ ih reh gô jur tơ dêh atâu, hrai gô pơm hơdŭ ih lơ̆k 'bĭch, gô pơm khăn ih su!

Êsai 5:14

Noh bơih na jing dêh hơtâu pơih 'măng sư rai să ha 'bơ̆r wă 'maih luăn sư ưh kơ pơdơh ôh, lu bơngai đe ư-ang păng kon pơlei pơla sư đĭ-đăng lu bơngai chơt hiôk oei lăm pơlei, tă kơ huŏng tơ lăm noh ngăl.

Êsêkiên 30:18

Tơ pơlei Tahpanhes, kơ'năr đei măng mu kơplah Inh gô pơrăm lê̆ 'long ăt char Êyiptơ; tơ noh jơhngơ̆m pran pơang lu sư gô pơrăm đĭ pă đei. Hơmơ̆l găm gô klơ̆p gom char noh, lu kon pơlei sư gô pơm bơnă.

Êsêkiên 32:12

Inh ăn kơ kon pơlei ih gô pơ̆k kơ đao lu bơngai nuih pran, lu bơngai mă kơnê̆ lăm dêh char. Lu sư gô blah pơrăm tơdrong pơang char Êyiptơ păng đĭ-đăng kon pơlei sư gô pơrăm đĭ.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Da 4:30

Na sư khan: 'Nâu ưh kơ trŏ hă pơlei tih Babilôn mă đei pơdơ̆ng đơ̆ng tơdrong pran inh, wă pơm pơlei tơm lăm chăl pơtao inh păng wă pơư pơang 'lơ̆ng rŏ kơ inh.

Markôs 6:21

Lăm minh năr ei lăp kơ jơhngơ̆m duch Hêrôđia wă pơlôch Yôhan, năr ei sa et trŏ kơ năr Hêrôt tơpŭ. Na pơtao Hêrôt krao wơ̆n lu 'bok kuan tih, lu 'bok tih linh păng lu kră mơdrŏng.

Jang 12:21

Thoi noh na Hêrôt pơkă kơ lu sư năr wă kơ lu sư gơh năm tơ sư. Na truh năr pơkă ei Hêrôt hrŭk ao pơtao sư păng sư oei tơ tang-dŏ 'lơ̆ng rŏ sư. Sư pơma kơ lu kon pơlei pơla.

Jang 25:13

Đơ̆ng rŏng kơ noh 'bar pêng năr pơtao Agripa hăm oh drŏ-kăn sư, anăn sư ei Bêrênis, năm hơpong tơ Phêtus tơ Pơlei Sêsarê.

Jang 26:30

Đang kơ Pôl pơma thoi noh na pơtao Agripa, yă Bêrênis, hăm 'bok kuan tih Phêtus păng đĭ-đăng lu bơngai lăm ei iung na lĕch hloi đơ̆ng hnam ei. Lu sư pơma tơkhan dih băl: “Bơngai âu ưh kơ đei pơm tơdrong kiơ mă wă pơlôch sư dah tah sư lăm hnam phak ôh iih?”

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

I Kor 7:31

Lu bơngai hăt kơ tơdrong ala teh âu 'nĕ pă tơchĕng dêh gah tơdrong ala teh âu yua kơ đĭ dôm tơdrong ala teh âu gô hiong hiach hach răm tôch đĕch.

Ya 1:11

Pơkao 'long bri brah, mưh truh kơ 'năr tŏ dêh, hla sư jing jô, pơkao sư hơlŭng hơliĕng, lăng sư ưh pă 'lơ̆ng rŏ thoi 'năr rơngơp boih. Bơngai mơdrŏng kư̆m lei-lăi, sư hăt dêh kơ chă mŭk tơmam wă kơ mơdrŏng, mă sư gô lôch hiong hloi.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

I Yo 2:16

Dôm tơdrong chih roi tơ ala âu lĕch đơ̆ng ala teh: Tơdrong kư̆ kă jơhngơ̆m kon bơngai 'maih pơm, tơdrong kư̆ kă mơ̆n măt kon bơngai 'maih lăng, lơ tơdrong tơpă, mơ'nah đei tơmam yua wă pơang akâu sư kơdih. Dôm tơdrong noh ưh kơ lĕch đơ̆ng 'Bă bơ̆n 'Bok Kei-Dei ôh, lĕch đơ̆ng lu bơngai ala teh âu đĕch.