Jang 25:22 - Sơ̆p Hlabơar Nơ̆r 'Bok Kei-Dei

²² Pơtao Agripa khan kơ Phêtus: “Inh wă mơ̆ng Pôl pơma mơ̆n.” Phêtus khan: “Năr dơning ih gô mơ̆ng sư pơma.”

Jang 25:22 Iomraidhean Croise

Êsai 52:15

Thoi noh Sư gô pơm kơ lơ teh đak lăng hlĭch. Lu pơtao gô pơŏm 'bơ̆r yua kơ Sư; yua kơ lu sư 'bôh tơdrong ưh tam đei bơngai bu roi ăn kơ lu sư. Păng lu sư gô hlôh băt tơdrong lu sư tam mă kơtơ̆ng.

Mathiơ 10:18

Păng đe gô jao iĕm kơ lu 'bok tih păng 'bok pơtao yua kơ iĕm jang tơdrong Inh. Iĕm kư̆m gơh ră roi kơ lu sư păng roi kơ lu bơngai dêh đe tơdrong 'nao 'lơ̆ng Inh.

Luka 21:12

“Hơdrol kơ iĕm wă 'bôh dôm tơdrong noh ning-mônh na đe gô rôp iĕm păng pơm kơnê̆ kơ iĕm. Đe gô jao iĕm ăn kơ đe kră sek tơlang tơ lăm hnam akŭm đe Juđê, na tah iĕm lăm hnam phak. Đe kư̆m gô anhăk iĕm dơ̆ng 'bơ̆t anăp lu 'bok tih hăm lu 'bok pơtao yua kơ iĕm lui kơ Inh.

Jang 25:13

Đơ̆ng rŏng kơ noh 'bar pêng năr pơtao Agripa hăm oh drŏ-kăn sư, anăn sư ei Bêrênis, năm hơpong tơ Phêtus tơ Pơlei Sêsarê.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.