Jang 25:10 - Sơ̆p Hlabơar Nơ̆r 'Bok Kei-Dei

¹⁰ Pôl khan: “Dang ei inh dơ̆ng 'bơ̆t anăp ih, ih sek tơlang kiơ̆ kơ tơdrong juăt 'bok pơtao tơm Rôm. Ih sek tơdrong inh tơ âu trŏ boih. Ih kư̆m băt mơ̆n inh ưh kơ pơm kơnê̆ kơ lu bơngai Juđê.

Jang 25:10 Iomraidhean Croise

Mathiơ 27:18

Pilat băt hơđăl kơ lu 'bok soi tih ơh klai jao wă pơlôch Yêsu noh.

Mathiơ 27:19

Kơplah Pilat oei tơ hnam sek tơlang, na akăn sư athei đe khan kơ klo sư thoi âu: “E 'nĕ pơm kơnê̆ kơ Yêsu hŏ, Sư ưh kơ đei yoch ôh. Inh sơ'ngon dêh yua kơ inh apo 'bôh tơdrong Sư măng hei hlĭch tơpă.”

Jang 23:29

Mă-lei inh 'bôh sư ưh kơ đei tơdrong wă pơlôch dah tah sư lăm hnam phak ôh. Lu bơngai Juđê jâu sư gah tơdrong juăt lu sư đĕch.

Jang 25:17

Na lăp lu bơngai Juđê năm truh tơ âu inh wă sek tơlang tơdrong sư âu hloi. Na năr dơning dơ̆ng inh năm hloi tơ hnam sek tơlang hăm athei lu linh chông ba Pôl tơ lăm ei.

Jang 25:25

Na inh apinh đĭ-đăng lu bơngai jâu sư hăm inh apinh akâu sư kơdih mă-lei inh ưh kơ 'bôh sư pơm tơdrong kiơ ôh. Thoi noh na inh ưh kơ gơh ăn đe pơlôch sư. Na Pôl apinh wă năm tơ 'bok pơtao tơm Rôm, wă kơ sư sek ăn tơdrong Pôl. Na inh wă ăn kơ sư năm tơ pơtao Rôm.

Jang 25:6

Phêtus oei tơ Pơlei Jêrusalem oei pă tơsĭn mơjĭt năr dơ̆ng. Klaih kơ noh sư brŏk tơ Pơlei Sêsarê dơ̆ng. Lu kră bơngai Juđê kư̆m kiơ̆ sư mơ̆n. Na năr dơning lu sư mơ̆t tơ hnam sek tơlang tơ Pơlei Sêsarê, na Phêtus athei lu linh chông ba Pôl mơ̆t tơ lăm hnam sek tơlang ei.

Jang 28:18

Lu bơngai Rôm sek tơlang tơdrong inh khan ưh kơ đei tơdrong kiơ ôh. Na lu sư ưh kơ gơh pơlôch inh. Na lu sư wă tơlĕch inh đĕch.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.