Jang 24:5 - Sơ̆p Hlabơar Nơ̆r 'Bok Kei-Dei

⁵ Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 24:5 Iomraidhean Croise

Esther 3:8

Haman khan kơ pơtao Asêrus thoi âu: Đei minh adrĕch adrung kơnê̆ dêh oei tơrak 'brak lăm lu kon pơlei ih tơ jơ̆p-jang tơring ih pơgơ̆r, tơdrong juăt lu sư phara hloh kơ lu adrĕch nai, na lu sư kư̆m ưh wă kiơ̆ tơdrong juăt ih tơtă, lê̆ lu sư arih kư̆m ưh kơ đei yua kiơ kơ ih.

Je 37:13

Mă-lei lăp sư truh tơ 'Măng Jang Bênjamin đei minh 'nu yŏng lu linh bơngai gak anăn sư Irijah, kon drŏ-nglo Sêlemia, sâu Hanania, oei gak tơ noh; rôp Jêrêmi bơngai khan lê̆ adrol khan: “Ih kơdâu lê̆ bơngai Juđa mơ̆t kiơ̆ lu bơngai Kalđê.”

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Mathiơ 10:25

Dôm tơdrong đe pơm kơ 'bok thây, bơngai pơhrăm athei chu đe pơm kơ sư mơ̆n; dôm tơdrong đe pơm kơ yŏng sư, đĭch sư kư̆m athei chu mơ̆n. Dah đe mah jô̆ kơ Inh yang Belsêbul khŭl yang kơnê̆, đe jô̆ kơ iĕm kang loi.

Mathiơ 2:23

Lu sư brŏk oei hloi tơ Pơlei Nasaret. Sư oei tơ noh 'blep thoi lu bơngai pơtruh nơ̆r 'Bok Kei-Dei khan lê̆ hơdrol sơ̆ thoi âu: “Đe gô krao Sư bơngai Nasaret.”

Markôs 1:24

“Ơ Yêsu đơ̆ng Pơlei Nasaret, Ih wă pơm kiơ kơ khŭl nhôn? Ih năm tơ âu wă pơrăm khŭl nhôn hă? Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 23:19

'Barra'ba noh đe tah sư lăm hnam phak yua kơ sư iung blah lu 'bok pơgơ̆r tơ lăm Pơlei Jêrusalem, na kơplah ei sư kư̆m chă pơlôch đe mơ̆n.

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Luka 23:25

Pilat tơlĕch ăn kơ lu sư bơngai mă lu sư apinh noh, bơngai mă đêl đe tah lăm hnam phak yua kơ sư iung blah lu 'bok pơgơ̆r ki păng sư chă pơlôch đe. Mă-lei gah Yêsu, Pilat chu ăn kơ lu sư pơlôch đĕch.

Luka 23:5

Mă-lei lu sư khan thoi âu dơ̆ng wă pơlŭt Pilat kư̆m jâu Sư bơngai yoch: “Yêsu âu chă pơchŭt đe kon tơring tơrang jơ̆p kơ dêh Juđê đơ̆ng tơring Galilê mah truh tơ bơ̆n âu.”

Jang 15:5

Mă-lei kư̆m đei bơngai lui kơ Yêsu đơ̆ng khŭl đe Pharisi iung pơma thoi âu: “Lu bơngai tơmoi lui kơ Yêsu ei, lu sư athei chu kăt tơdra akar kơdih păng kiơ̆ dôm lu tơdrong juăt Môis pơkă.”

Jang 21:28

Lu sư pơma 'bơ̆r re khan: “Ơ bơngai Isơrael, tơgŭm nhôn 'biơ̆ bĕ. Bơngai âu boih năm jơ̆p-jang kơ teh đak bơtho athei đe hil areh kơ bơngai Isơrael bơ̆n, athei đe tŭk lê̆ tơdrong juăt Môis păng hnam akŭm 'Bok Kei-Dei tơm âu. Na dang ei sư kư̆m anhăk ba bơngai tơmoi khŭl nai lăm hnam akŭm 'Bok Kei-Dei tơm âu, na pơm kơ hnam 'Bok Kei-Dei âu đơ̆ng 'lơ̆ng jing kơnê̆ 'mê̆-'mach.”

Jang 22:22

Lu bơngai Juđê chu mơ̆ng Pôl pơma kơ lu sư tôch 'bơ̆t Yêsu wơh sư năm bơtho pơlei tơmoi. Lu sư kơtơ̆ng tơdrong noh na lu sư ơh, pơma re khan: “Pơlôch Pôl bĕ. Sư bơngai kơnê̆, ưh kơ trŏ ăn kơ sư arih ôh.”

Jang 24:14

Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 24:4

Inh ưh kơ wă pơma đunh ôh, kơnh hiong kơ jơ ih, na dang ei inh apinh ih mơ̆ng inh pơma 'biơ̆ bĕ, ih lĕ 'bok.

Jang 25:7

Lăp Pôl truh tơ hnam ei, lu bơngai Juđê đơ̆ng Pơlei Jêrusalem oei tăp dăr kơ sư, na jâu sư lơ tơdrong kơnê̆ tih tơpă, mă-lei lu sư ưh kơ 'bôh Pôl pơm tơdrong kơnê̆ kiơ ôh.

Jang 26:5

Lu sư kư̆m băt mơ̆n hăm gơh ră roi kơ ih mơ̆n tơdah lu sư wă, đơ̆ng sơ̆ inh kiơ̆ khŭl đe Pharisi. Lăm lu bơngai Juđê khŭl Pharisi boih adrin tơpă wă kiơ̆ tơdrong juăt bơngai Juđê.

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 5:17

Thoi noh na 'bok soi tơm păng lu bôl sư khŭl đe Sađusê areh klai khŭl bơngai jơ̆ng 'bang Yêsu, tah lu sư tơ hnam phak.

Jang 6:13

Klaih kơ noh sư ăn bơngai hơlĕnh gah Êtien roi kơ lu kră sek tơlang thoi âu: “Bơngai âu ling-lang pơma kơnê̆ kơ hnam akŭm 'Bok Kei-Dei tơm âu păng pơma kơnê̆ kơ tơdrong juăt bơ̆n.

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

I Kor 4:13

đe chă pơchê nhôn ră, mă-lei nhôn tơl tơwih pơ'lơ̆ng đĕch; oei khơ̆ dang ei đĕch tơdrong lu nhôn thoi lĕ kơ 'bruih đe bơngai ala teh.

I Pet 2:19

Bơ̆n ưh kơ đei pơm kơnê̆ kơ sư, mă sư pơm kơnê̆ kơ bơ̆n, bơ̆n athei thĕng đĕch yua kơ bơ̆n băt tơdrong 'Bok Kei-Dei boih, thoi noh na 'Bok Kei-Dei lăp đon kơ bơ̆n.