Jang 24:25 - Sơ̆p Hlabơar Nơ̆r 'Bok Kei-Dei

²⁵ Pôl bơtho tơdrong bơ̆n athei pơm 'lơ̆ng tơpăt, bơ̆n athei kơchăng kơdih hli kơ pơm tơdrong kơnê̆, hăm tơdrong 'Bok Kei-Dei gô sek tơlang kơ bơ̆n ning-mônh. 'Bok Phêlik kơtơ̆ng Pôl bơtho thoi noh, sư hli, na sư khan kơ Pôl: “Dang ei asong ih brŏk tơ anih ih; gô layơ dơ̆ng inh đei jơ rơwơn na inh krao ih wă mơ̆ng ih bơtho dơ̆ng.”

Jang 24:25 Iomraidhean Croise

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

Esơra 10:3

Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Esơra 10:9

Lăm pêng năr, đĭ-đăng bơngai drŏ-nglo Juđa, Bênjamin, đĭ-đăng năm akŭm tơ pơlei Jêrusalem, 'blep kơ năr 'bar-jĭt khei tơsĭn; đĭ-đăng kon bơngai hơ-oei cham să 'bơ̆t anăp lăm hnam Kră Yang 'Bok Kei-Dei, hli tơrơ yua kơ tơdrong 'nâu păng yua kơ tơdrong 'mi tih.

Jop 29:14

Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

Horiso 11:7

Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư.

Horiso 119:120

Akâu inh pơpơ̆ yua kơ hli kơ Ih. Kŭm hli kơ tơdrong Ih sek tơlang.

Horiso 45:7

Kră Yang lăp kơ tơdrong tơpăt păng areh tơdrong kơnê̆. Thoi noh Kră Yang 'Bok Kei-Dei, Jơ̆ Kră Yang 'Bok Kei-Dei Ih, tuh boih đak rơmă kơ Ih. Hăm đak rơmă tơdrong chơt hiôk hloh kơ buăl ih.e

Horiso 72:2

Sư gô sek tơlang kon pơlei Ih tơpăt hơnơ̆ng. Sek lu bơngai dơnuh hin trŏ tơpăt.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Tơdrông Pơđơk 16:12

Pơm kơnê̆ 'mê̆ 'brư̆ noh lu pơtao areh dêh; Tang-dŏ pơtao kơjăp noh đơ̆ng tơdrong tơpăt.

Bôk Bơthô 11:9

Ơ lu bơngai hơmuh hơmŏng iĕm hiôk chơt bĕ kơplah oei hơdruh tơdăm, 'nă hal bĕ kơplah oei 'lơ̆p, yak kiơ̆ bĕ thoi jơhngơ̆m ih dui ba, kiơ̆ kơ măt ih lăng, mă-lei iĕm athei băt dôm tơdrong iĕm pơm noh, Kră Yang 'Bok Kei-Dei gô wă sek tơlang kiơ̆ tơdrong noh.

Bôk Bơthô 12:14

Yua kơ Kră Yang 'Bok Kei-Dei gô sek tơlang kiơ̆ kơ tơdrong đêl bơ̆n pơm, pơm 'lơ̆ng dah pơm kơnê̆, mă khan tơdrong kiơ hlơp, sư kư̆m sek tơlang mơ̆n. 25-Nov-2005@13:33, Backup Description=25-Nov-2005@13:30, Billy - 29-Nov-2005@10:12, Backup Description=25-Nov-2005@16:45, David Le vp - 29-Nov-2005@10:23, Backup Description=29-Nov-2005@10:21, Billy -

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 1:21

Ơ đêl Pơlei 'lơ̆ng tơnăp na jing pơlei pơm đi! Sơ̆ đêl pơlei tơpăt hơnơ̆ng; păng tơdrong 'lơ̆ng tơpăt oei lăm sư, mă-lei dang ei 'bĕnh kơ bơngai pơlôch đe!

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Êsai 32:11

Lu drŏ-kăn oei hiôk-hian, tơtơ̆ bĕ, ơ lu kon drŏ-kăn ưh kơ tơtăm hli bĕ Plôh bĕ ao lu iĕm, lê̆ akâu hoh tơ̆n bĕ 'bi tơ kơiĕng lu iĕm.

Êsai 41:21

Kră Yang khan: “Pơdah bĕ tơdrong lu iĕm, wă khan” Pơtao đe Jakôp khan: “Pơdah pơsĭt bĕ tơdrong lu iĕm khan trŏ.”

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Je 23:29

Nơ̆r Inh hăm trŏ thoi ŭnh? Thoi mut teh tơmo pơchah? Noh Kră Yang khan.

Je 36:16

Lu sư 'nao mơ̆ng đĭ dôm nơ̆r noh, na lu sư hli pơglăn băl păng khan kơ Baruk: “Lu nhôn gô khŏm chĕp ba nơ̆r âu năm roi kơ pơtao.”

Êsêkiên 45:9

Kră Yang khan thoi âu: Ơ lu yŏng pơgơ̆r Isơrael, noh tôm boih! 'Nĕ pă pơm kơnê̆ păng pơjuă pơđep; pơm bĕ tơdrong 'lơ̆ng tơdrong tơpăt; 'nĕ pă pơpuh kon pơlei Inh dơ̆ng, Kră Yang khan.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Da 4:27

Thoi noh! Ơ Pơtao, apinh ih mơ̆ng nơ̆r inh bơtho khan kơ ih; iŏk bĕ tơdrong tơpăt na huai iŏk đơ̆ng yoch, 'mêm bĕ kơ lu bơngai dơnuh hin wă huai iŏk đơ̆ng dôm tơdrong kơnê̆ ih pơm. Thoi noh tơdrong hiôk-hian ih gô oei đei đunh năr.

Da 5:30

Lăm măng noh hloi pơtao Belsatsar bơngai Kalđê đe pơlôch.

Hôsia 10:12

Rei bĕ lu iĕm kơdih hăm tơdrong 'lơ̆ng tơpăt, yuă iŏk bĕ plei đơ̆ng tơdrong 'mêm sĭt, choh bĕ teh lu iĕm mă lê̆ bri! Truh boih jơ chă Kră Yang, dĭng truh tơ Sư ăn jur tơdrong tơpăt thoi đak 'mi tơ lu iĕm.

Hôsia 10:4

Lu sư chă pơma pơkă pơkăm hơlĕnh lăm nơ̆r pơgơ̆p, Thoi noh tơdrong lu sư. Jing thoi 'nhĕt kơnê̆ hơkăm chăt rok trong đêl choh lăm chŭn.

Hôsia 7:5

Dĭng 'bơ̆t năr pơtao lu bơ̆n hơmet sŏng sa hơdai, lu kră pơgơ̆r suai yua kơ đơ̆ng huch sik hơmu lơ. Pơtao kư̆m rôp ti hơdai hăm lu bơngai pơm kơnê̆.

Am 5:24

Kơtrơ̆m jah lê̆ lu tơdrong 'lơ̆ng tơpăt sĭt ro thoi đak păng tơdrong tơpăt kơkhŭr thoi đak glung ro ling-lang.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Hagai 1:2

Kră Yang Tih Hloh đei khan thoi âu: “Kon pơlei đei khan; ‘jơ 'năr tam mă truh wă khan jơ 'năr wă pơjing đơ̆ng hnam Kră Yang.’ ”

Mathiơ 22:5

Mă-lei lu bơngai mă sư wơ̆n ei oei ưh kơ chu kơ năm sŏng sa 'mơ̆i, lu sư khan ưh kơ kăl. Lu sư kơtơ̆ng boih bơngai jang kơ 'bok pơtao năm krao lu sư, mă-lei lu sư mơ'nah năm jang tơ mir, mơ'nah hăt kơ năm mơdro sa.

Yo 16:8

Lăp Sư jur, Sư tơbăt ăn kơ lu bơngai ala teh âu lu sư đei tơdrong yoch; Sư tơbăt ăn kơ lu sư Inh, Inh 'lơ̆ng tơpăt; păng tơbăt kơ lu sư gah tơdrong 'Bok Kei-Dei wă phak lu bơngai ưh kơ lui kơ Sư.

Jang 10:42

Yêsu athei nhôn bơtho Tơdrong 'Nao 'Lơ̆ng kơ lu kon pơlei pơla, tơbăt ăn kơ đe tơdrong 'Bok Kei-Dei ăn kơ Yêsu sek tơlang dôm lu bơngai arih, bơngai lôch.

Jang 17:13

Lu bơngai Juđê đơ̆ng Pơlei Têsalônik kơtơ̆ng ang tơdrong Pôl bơtho tơdrong 'Bok Kei-Dei tơ Pơlei Bêrê, na lu sư năm tơ ei pơhlŭ lu kon pơlei pơla wă pơm kơnê̆ kơ bre sư.

Jang 17:2

Tơ rim pơlei Pôl năm akŭm tơ hnam akŭm đe Juđê mơ̆n păng Pơlei Têsalônik lei-lăi mơ̆n. Sư akŭm păng đe rim năr pơdơh lăm pêng 'măng giĕng. Sư bơtho đơ̆ng lăm sơ̆p hla bơar 'Bok Kei-Dei păng pơjah hăm lu sư.

Jang 17:32

Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”

Jang 2:37

Kơtơ̆ng tơdrong 'noh boih, lu kon tơring mơn lăm jơhngơ̆m sư na jet Pêtrôs hăm lu bôl sư khan: “Ơ 'nhŏng oh, nhôn athei pơm lơliơ wă klaih đơ̆ng tơdrong yoch?”

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

Jang 24:26

Phêlik kư̆m ngêh kơ Pôl wă ăn kơ sư jên na wă tơlĕch sư, na sư krao Pôl kư̆m lơ 'măng mơ̆n na pơma dơnuh hăm sư.

Jang 26:28

Agripa khan kơ Pôl: “Ih bơtho thoi noh ih ngêh kơ inh wă lui kơ Yêsu Krist dang ei hloi hă?”

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 14:12

'Bok Kei-Dei khan thoi noh boih, na ning-mônh đĭ-đăng kon bơngai bơ̆n gô roi tơdrong arih bơ̆n 'bơ̆t anăp Sư.

Rom 2:16

Yua kơ thoi noh na mưh truh năr 'Bok Kei-Dei sek tơlang ning-mônh, Sư gô pơjao kơ Kon Sư Yêsu Krist sek tơlang kơ đĭ dôm tơdrong kon bơngai wă ôn. Inh khan kơ iĕm thoi noh yua kơ 'blep trŏ thoi tơdrong 'nao 'lơ̆ng 'Bok Kei-Dei wă kơ inh bơtho.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.

II Kor 5:10

yua kơ đĭ-đăng bơ̆n ning-mônh gô dơ̆ng 'bơ̆t anăp Yêsu Krist sek tơlang kiơ̆ kơ akâu bơ̆n pơm 'lơ̆ng dah pơm kơnê̆, Sư apah kiơ̆ thoi noh.

II Kor 6:2

yua kơ 'Bok Kei-Dei khan boih tơ lăm sơ̆p hla bơar Sư khan sơ̆ thoi âu: “Truh năr Inh wă pơklaih kon bơngai, Inh mơ̆ng 'bơ̆r ih păng tơdŏng ih.” Na jơhnơr lu bơ̆n âu boih trŏ kơ khei năr 'Bok Kei-Dei pơklaih kon bơngai noh.

Galati 3:22

Sơ̆p hla bơar 'Bok Kei-Dei jô̆ đĭ-đăng kon bơngai bơ̆n pơm yoch, ưh kơ chu kiơ̆ tơdrong juăt Sư, trŏ kơ Sư wă phak tơpă ning-mônh. 'Bok Kei-Dei pơma jô̆ bơ̆n thoi noh, Sư kuă ăn bơ̆n tơchĕng kiơ̆ tơdrong akâu bơ̆n kơdih. Sư wă kơ bơ̆n tơchĕng gơnang kơ Kon Sư đĕch. Dôm lu bơngai lui kơ Kon Sư Yêsu Krist, 'Bok Kei-Dei wă ăn kơ lu sư arih ling-lang hăm Sư, kư̆m thoi Sư pơkă kơ Abraham sơ̆.

Galati 5:23

iŏk đon ala, gơh gơ̆t, dôm tơdrong 'lơ̆ng 'noh yua kơ đơ̆ng Yang Bơhngol 'Lơ̆ng tơgŭm bơ̆n ngăl. Tơdrong juăt 'Bok Kei-Dei ưh kơ đei găn khă ôh dôm lu tơdrong 'lơ̆ng noh.b

II Tim 4:1

Năr tôch kơnh Kră Yang Yêsu Krist gô jur tơ ala teh wă pơgơ̆r păng sek tơlang đĭ-đăng bơngai, mă bơngai lôch, mă bơngai arih. Kră Yang 'Bok Kei-Dei păng Kră Yang Yêsu Krist 'bôh bơ̆n ling-lang na ih athei kơchăng, athei bơtho tơdrong Sư ling-lang; mă đe mơ̆ng mă đe ưh, ih kư̆ bơtho đĕch. Ih athei khă đe 'nĕ pă pơm tơdrong yoch păng bơtho đe lui mă kơjăp, bơtho pơlung sư adar adeh.

Tit 1:8

Bơngai bu pơm kră bơngai lui, năr tơmoi truh tơ sư, sư tơkan sơng iŏk atŏk tơ hnam sư. Păng sư lăp đon kơ tơdrong 'lơ̆ng tơdrong kiơ̆ trŏ. Sư pơm đon chơ̆n. Sư đei đon 'lơ̆ng tơpăt păng 'Bok Kei-Dei hăm bôl buăl mơ̆n,

Hêbrơ 12:21

Tôm tơdrong ei krưp dêh, na Môis mah khan: “Inh hli tơrơ dêh.”

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

Hêbrơ 9:27

Kon bơngai bơ̆n lôch minh 'măng đĕch, klaih kơ noh năm tơ tơdrong sek tơlang.

Ya 2:19

Lu iĕm mơ'nah khan lui đĕch kư̆m klaih mơ̆n hă? Iĕm kư̆ kơ lui đei minh pôm Kră Yang 'Bok Kei-Dei đĕch, trŏ boih, lu yang kơnê̆ kư̆m lui thoi noh mơ̆n, lu sư hli tơrơ kơ 'Bok Kei-Dei tơpă.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.

II Pet 1:6

Dah iĕm pơhrăm iŏk boih, iĕm gô đei tơdrong pơgơ̆t, đơ̆ng tơdrong pơgơ̆t iĕm gô đei jơhngơ̆m chơ̆n. Dah jơhngơ̆m iĕm chơ̆n tơpă, noh iĕm gơh pơm kiơ̆ dôm tơdrong 'Bok Kei-Dei boih.

I Yo 3:10

Bơ̆n gơh kơnăl tơduă bơngai bơ̆n, bơngai bu kon 'Bok Kei-Dei, bơngai bu kon yang Satan sư phara thoi âu: Bơngai bu ưh kơ pơm 'lơ̆ng tơpăt păng ưh kơ 'mêm kơ 'nhŏng oh sư, bơngai 'noh ưh kơ sĭ kon 'Bok Kei-Dei ôh.

I Yo 3:7

Ơ lu kon hơ'lơ̆p, 'nĕ lui kơ đe hơlĕnh kơ iĕm khan bơngai lui bơ̆n ưh kơ kăl pơm 'lơ̆ng tơpăt. Inh khan kơ iĕm thoi âu: Bơngai bu pơm 'lơ̆ng tơpăt, bơngai 'noh đei đon 'lơ̆ng tơpăt kư̆m thoi Yêsu bơngai 'lơ̆ng tơpăt mơ̆n.

I Sam 12:7

Na dang ei, năm bĕ 'bơ̆t anăp Kră Yang, lê̆ inh gô sek tơlang lu iĕm lăm dôm tơdrong 'lơ̆ng tơpăt Kră Yang đei pơm tơgŭm lu iĕm păng yă 'bok lu iĕm.