Jang 24:16 - Sơ̆p Hlabơar Nơ̆r 'Bok Kei-Dei

¹⁶ Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

Jang 24:16 Iomraidhean Croise

Jang 23:1

Pôl hue lăng lu kră sek tơlang na khan: “Ơ lu 'nhŏng oh, đơ̆ng sơ̆ khơ̆ dang ei inh pơm tơpăt, na jơhngơ̆m inh ưh kơ hli 'bơ̆t anăp 'Bok Kei-Dei.”

Rom 2:15

Bơ̆n 'bôh sư pơm tơdrong trŏ na bơ̆n băt kơ 'Bok Kei-Dei ăn kơ sư kơnăl tơdrong 'lơ̆ng tơdrong kơnê̆. Dah sư pơm yoch sư kư̆m băt kơdih pơm yoch. Dah sư pơm 'lơ̆ng sư kư̆m băt kơdih pơm 'lơ̆ng mơ̆n.

Rom 9:1

Inh wă roi kơ iĕm gah tơdrong 'nhŏng oh inh khŭl Isơrael. Inh sơ'ngon dêh yua kơ lu sư ưh kơ lui kơ Yêsu. Inh roi kơ iĕm tơdrong 'nâu inh roi tơpă, inh bơngai kiơ̆ Yêsu Krist ưh kơ anul ôh. Yua kơ Yang Bơhngol 'Lơ̆ng oei lăm inh, thoi yơ inh gơh anul?

I Kor 10:32

Mă tôm tơdrong bơ̆n jang pơm tơdrong kiơ bơ̆n athei kơchăng hŏ, hli kơ bơ̆n pơơh đe, mă sư bơngai Juđê, mă sư bơngai dêh nai, mă tơduă bơngai lui kơ 'Bok Kei-Dei.

I Kor 4:4

Inh lăng inh kơdih khan ưh kơ đei tơdrong kơnê̆ kiơ ră, mă tơpă inh ưh kơ băt tơpă ôh, pôm 'Bok Kei-Dei đĕch gơh băt sek tơdrong inh.

II Kor 1:12

Tơdrong nhôn hiôk, nhôn hiôk yua kơ tơdrong âu: Jơhngơ̆m đon nhôn mơn kơdih nhôn pơm 'lơ̆ng kơ đĭ-đăng bơngai; mă loi pơm 'lơ̆ng pơm tơpăt hăm iĕm. Mă-lei nhôn ưh kơ bơnê kơ akâu nhôn kơdih hơgei ôh, nhôn bơnê kơ 'Bok Kei-Dei tơgŭm nhôn pơm 'lơ̆ng thoi noh.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.

I Tim 1:19

păng wă kơ ih lui kơjăp khŏm khŏm pơm đon 'lơ̆ng tơpăt kơ 'Bok Kei-Dei hăm đĭ-đăng bơngai. Đei lu bơngai mơ'nah hŭt lê̆ đon 'lơ̆ng sư kơdih na jing hŭt lê̆ tơdrong lui sư mơ̆n.

I Tim 1:5

Inh athei ih khă lu sư thoi noh wă kơ lu sư đei đon 'lơ̆ng tơpăt, hăm lui mă trŏ, thoi noh na sư gơh 'mêm kơ 'Bok Kei-Dei hăm bôl buăl tơ ala teh âu mơ̆n.

I Tim 3:9

Sư athei lui kiơ̆ tơdrong 'Bok Kei-Dei mă tơpă.

II Tim 1:3

Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 13:18

Apinh iĕm krao khan tơgŭm nhôn hŏ, nhôn mơn kơdih nhôn pơm 'lơ̆ng păng nhôn 'maih pơm tơpăt ling-lang.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

I Pet 2:19

Bơ̆n ưh kơ đei pơm kơnê̆ kơ sư, mă sư pơm kơnê̆ kơ bơ̆n, bơ̆n athei thĕng đĕch yua kơ bơ̆n băt tơdrong 'Bok Kei-Dei boih, thoi noh na 'Bok Kei-Dei lăp đon kơ bơ̆n.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.