Jang 24:14 - Sơ̆p Hlabơar Nơ̆r 'Bok Kei-Dei

¹⁴ Mă-lei pôm lu tơdrong âu inh pơm tơpă: Đơ̆ng sơ̆ lu 'bok kơdră nhôn lui kơkuh kơ 'Bok Kei-Dei. Inh kư̆m lui kơ 'Bok Kei-Dei mơ̆n kiơ̆ kơ Tơdrong 'Nao 'Lơ̆ng Sư. Lu bơngai Juđê khan tơdrong 'noh ưh kơ trŏ kơ tơpă ôh. Mă-lei inh lui kơ đĭ-đăng dôm tơdrong chih lăm sơ̆p hla bơar tơdrong juăt Môis hăm lu bơngai pơtruh nơ̆r 'Bok Kei-Dei sơ̆.

Jang 24:14 Iomraidhean Croise

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

Horiso 119:46

Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Le 3:15

Kră Yang 'Bok Kei-Dei khan kơ Môis dơ̆ng. Ih khan kơ kon pơlei Isơrael thoi âu: Kră Yang 'Bok Kei-Dei 'bok lu iĕm, Kră Yang 'Bok Kei-Dei Abraham, Kră Yang 'Bok Kei-Dei Isăk, Kră Yang 'Bok Kei-Dei Jakôp wơh inh năm tơ lu iĕm, Kră Yang khan: 'Noh jơ̆ anăn Inh oei oei ling-lang, 'noh boih wă kơ đe 'blŏk kơ Inh rim jơhnơr.

Am 8:14

Đĭ-đăng lu bơngai tơhlâu kơ Asima char Samari păng pơkă pơkăm: Ơ Đan, thoi yang ih oei arih! Thoi yang pơlei Bêrsêba oei arih! Đĭ-đăng lu bơngai kơkuh kơ yang gô pơ̆k păng ưh pă kĕ iung dơ̆ng.

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Mathiơ 10:32

“Bu roi kơ đe khan sư lui kơ Inh, Inh kư̆m roi kơ 'Bă Inh tơ plĕnh ti, bơngai 'noh sư lui kơ Inh tơpă.

Mathiơ 22:40

Bu pơm kiơ̆ 'bar tơdrong juăt âu tơpă, bơngai 'noh sư huay kơ hŭt lê̆ dôm tơdrong juăt Môis păng dôm tơdrong lu bơngai pơtruh nơ̆r 'Bok Kei-Dei chih sơ̆.”

Mathiơ 7:12

Thoi noh na mă dôm tơdrong kiơ iĕm wă kơ đe pơm tơgŭm iĕm, iĕm athei pơm tơgŭm đe lei-lăi thoi noh. 'Noh trŏ kơ tơdrong juăt Môis păng tơdrong lu bơngai pơtruh nơ̆r 'Bok Kei-Dei sơ̆.

Luka 1:70

'Bok Kei-Dei ăn kơ lu bơngai pơtruh nơ̆r Sư sơ̆ kư̆m khan thoi noh mơ̆n.

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Luka 16:29

Na Abraham khan kơ bơngai mơdrŏng 'nei: ‘Tơ ala teh đe oei bơtho kiơ̆ kơ tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei mơ̆n. Lu 'nhŏng oh ih oei gơh mơ̆ng đe bơtho tơdrong noh mơ̆n.’

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 24:44

Na Yêsu khan kơ lu sư: “Hơtai Inh oei hơdai păng iĕm ki Inh kư̆m roi kơ iĕm tơdrong Inh wă lôch iung arih dơ̆ng. Dôm tơdrong đe chih lăm sơ̆p hla bơar Môis, sơ̆p hla bơar lu bơngai pơtruh nơ̆r 'Bok Kei-Dei păng sơ̆p hla bơar Tơdrong Hơri Sơ̆ mă khan lê̆ hơdrol gah tơdrong Inh, dôm tơdrong noh bơ̆n gô 'bôh tơpă.”

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 13:15

Đang kơ đe đŏk hla bơar tơdrong juăt 'Bok Kei-Dei pơkă păng tơdrong bơngai pơtruh nơ̆r 'Bok Kei-Dei boih, na lu kră wei-lăng lăm hnam akŭm lu đe Juđê khan kơ bre sư: “Ơ bre 'nhŏng oh, tơdah biĕm đei tơdrong wă bơtho kơ kon pơlei pơla, bơtho bĕ.”

Jang 15:5

Mă-lei kư̆m đei bơngai lui kơ Yêsu đơ̆ng khŭl đe Pharisi iung pơma thoi âu: “Lu bơngai tơmoi lui kơ Yêsu ei, lu sư athei chu kăt tơdra akar kơdih păng kiơ̆ dôm lu tơdrong juăt Môis pơkă.”

Jang 19:23

Hơtai ei đei tơdrong truh kơ lu bơngai lui kơ Yêsu tơ Pơlei Êphêsô.

Jang 19:9

Mă-lei lu mơ'nah ưh kơ chu lui. Na lu sư pơma kơnê̆ gah tơdrong Kră Yang Yêsu 'bơ̆t anăp lu bơngai akŭm. Na Pôl đơ̆ng lu sư năm akŭm tơ nai. Lu bơngai lui kư̆m akŭm kiơ̆ Pôl mơ̆n. Na rim năr sư bơtho păng pơjah tơ hnam trưng Tiranơ.

Jang 22:14

Anania khan kơ inh: ‘Lu kơdră bơ̆n sơ̆ lui kơkuh kơ 'Bok Kei-Dei. 'Bok Kei-Dei boih rơih iŏk ih, wă kơ ih băt dôm tơdrong Sư pơm, Sư wă kơ ih 'bôh Kon 'lơ̆ng tơpăt Sư păng kơtơ̆ng Kon Sư pơma.

Jang 24:22

'Bok kuan tih Phêlik kư̆m băt lơ tơpă gah tơdrong lui kiơ̆ kơ Yêsu. Na năr ei sư kuă kơ sek tơlang dơ̆ng. Sư khan: “'Bok tih linh Lisia truh tơ âu, inh gô sek tơlang mă tôch 'mơ̆i tơdrong lu iĕm âu.”

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 25:8

Na Pôl pơma dŏng kơdih akâu thoi âu: “Inh ưh kơ pơm kơnê̆ kơ tơdrong juăt bơngai Juđê dah hnam akŭm 'Bok Kei-Dei tơm, dah lăm 'bok pơtao tơm Rôm ôh.”

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

Jang 26:27

Ơ 'bok Agripa, ih lui kơ tơdrong lu bơngai pơtruh nơ̆r 'Bok Kei-Dei khan lê̆ adrol sơ̆, inh băt kơ ih lui tơpă.”

Jang 26:4

“Đĭ-đăng bơngai Juđê băt kơ inh arih thoi yơ mă inh oei 'lơ̆p sơ̆ khơ̆ dang ei, mă tơ dêh char inh, mă tơ Pơlei Jêrusalem.

Jang 26:6

Iĕm sek tơlang tơdrong inh âu dang ei yua kơ inh lui kơ 'Bok Kei-Dei gô tơiung arih lu bơngai lôch kiơ̆ kơ Sư pơkă hăm lu kơdră bơ̆n sơ̆.

Jang 28:22

Mă nhôn wă mơ̆ng tơdrong ih bơtho yua kơ lơ bơngai jơ̆p kơ teh đak khan khŭl iĕm kiơ̆ Yêsu ưh kơ 'lơ̆ng.”

Jang 28:23

Na Pôl hăm lu sư pơkă năr wă akŭm dơ̆ng. Truh năr ei boih lu sư lơ tơpă năm akŭm tơ hnam Pôl. Đơ̆ng pơgê truh kơsơ̆ Pôl bơtho lu sư gah tơdrong 'Bok Kei-Dei wă pơgơ̆r bơ̆n thoi yơ. Sư đŏk lăng đơ̆ng sơ̆p hla bơar tơdrong juăt Môis păng sơ̆p hla bơar lu bơngai pơtruh nơ̆r 'Bok Kei-Dei wă tơbăt kơ lu sư Yêsu boih 'Bok Dŏng Pơklaih tơpă.

Jang 3:13

'Nâu dơ̆ng, lu kơdră bơ̆n sơ̆ thoi đe Abraham, Isăk, Jakôp, sư lui kơ 'Bok Kei-Dei. Na dang ei 'Bok Kei-Dei pôk atŏk Kon Sư Yêsu pơm tih. Ki iĕm jao Yêsu tơ Pilat wă sek tơlang Yêsu bơngai 'lơ̆ng tơpăt, na Pilat wă achăng Sư ră, mă-lei lu iĕm ưh kơ wă kơ Yêsu ôh. Lu iĕm khan wă pơ̆ng pơlôch Sư tơ 'long pơglang đĕch. Iĕm apinh Pilat tơlĕch ăn kơ iĕm bơngai juăt kơ pơlôch đe,

Jang 5:30

'Bok Kei-Dei boih, khŭl bơ̆n bơngai Isơrael lui kơ Sư mă đơ̆ng 'bok kơdră bơ̆n sơ̆. Iĕm pơ̆ng pơlôch Yêsu tơ 'long pơglang tơpă. Mă-lei 'Bok Kei-Dei tơiung arih Yêsu đơ̆ng lôch.

Jang 7:32

‘Inh boih Kră Yang wei-lăng lu 'bok kơdră ih Abraham, Isăk, Jakôp.’ Na Môis hli tơrơ tơpă. Môis ưh kơ pơ̆n hue lăng Sư ôh.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Rom 3:21

Na dang ei 'Bok Kei-Dei wă tơ'bôh kơ bơ̆n tơdrong Sư wă ăn kơ kon bơngai jing 'lơ̆ng tơpăt. Sư jô̆ kon bơngai bơ̆n 'lơ̆ng tơpăt yua kơ bơ̆n lui kơ Yêsu, ưh kơ sĭ yua kơ bơ̆n gơnang kơ akâu kơdih wă kiơ̆ tơdrong juăt 'Bok Kei-Dei pơkă sơ̆ ôh. Tơdrong juăt Sư pơkă noh hăm lu bơngai pơtruh nơ̆r Sư sơ̆ tơbăt ăn kơ bơ̆n

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

II Tim 1:3

Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

Tit 3:10

Bơngai lui bu mă bơtho tơdrong 'Bok Kei-Dei sư bơtho chroih tơ nai, sư wă kơ đe kiơ̆ gah tơdrong sư đĕch, ih athei khă sư truh 'bar 'măng hŏ. Na ih khă dơ̆ng truh pêng 'măng boih, sư tam mă chu kơ ih, ih pơih sư 'nĕ pă ăn sư bơtho dơ̆ng.

I Pet 1:11

Yang Bơhngol 'Lơ̆ng Yêsu Krist oei hơdai hăm lu sư, ăn kơ lu sư jing bơngai khan lê̆ hơdrol gah tơdrong 'Bok Krist gô đei tơdrong pơmat, klaih kơ noh Sư gô pơgơ̆r đĭ-đăng. Mă-lei lu sư ưh kơ băt tơdrong noh wă truh layơ, sư thoi yơ, na lu sư adrin pơhrăm wă kơ băt tơdrong noh.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”